Jeltoqsan aıynda Qytaıdyń Gýanchjoý qalasynda Dımash Qudaıbergenniń jeke konserti ótedi. Oǵan ánshiniń Qazaqstandaǵy, onyń ishinde Aqtóbedegi fanattary da barýy múmkin, dep Qamshy.kz aqparat agenttigi Aktobenews.kz saıtyna silteme jasap habarlaıdy.
Dımashtyń anasy Svetlana Aıtbaevanyń aıtýynsha, jeltoqsan aıynyń ortasynda Gýanchjoý qalasynda Dımashtyń «Bastaý» atty úlken jeke konserti ótedi.
«Gýanchjoýdaǵy konsertten keıin Dımash Los-Andjeleste stajırovkadan ótýi kerek. Balanyń oqýdy sátti aıaqtap, dıplom alǵanyn kútip júrmiz. Sondyqtan ázirge ózge konserttermen Dımashtyń kóńilin alańdatqymyz kelmeıdi», — dedi Svetlana Aıtbaeva.
Ánshiniń Mıra esimdi aqtóbelik fanatynyń aıtýynsha, qazirgi tańda Qazaqstandaǵy barlyq fan-qozǵalystar Qytaıǵa baryp-qaıtýdy oılastyryp jatyr.
«Árıne, jol uzaq. Degenmen, Dımashtyń ondaǵy konsertin kórgisi keletinder az emes», — dedi ol.
