Erteń Qyrǵyzstan halqy jańa prezıdentin saılaıdy.  Soǵan baılanysty Ómirbek Babanov qyrǵyz halqymen kezdesti dep habarlaıdy Qamshy.kz aqparat agenttigi.

Babanovtyń qyrǵyz halqymen kezdeskeni áleýmettik jelide tarap ketti. Alańǵa jınalǵan halyq óte kóp. Jınalǵan halyqtyń aldynda Ómirbek Babanov «Altyndaı elim, altynshy nómirdi tańdaıdy»,- dedi. 

Qazir onda saılaý aldy naýqanynyń naǵyz qyzǵan shaǵy. Memleket basshysy bolýǵa basty 10  úmitker qatysady. Daýys berý respýblıka boıynsha erteń tańerteńgi saǵat 8-den 20:00-ge deıin júrgiziledi. 

Ómirbek Babanov 1970 jyly 20 mamyrda Qyrǵyzstannyń Talas oblysynda dúnıege kelgen. Saıasatker jáne memleket qaıratkeri. «Respýblıka-Ata Jurt» saıası partıasynyń jáne parlamenttik fraksıasynyń lıderi.

2011 jyldyń 23 jeltoqsany men 2012 jyldyń 1 qyrkúıegi aralyǵynda Kyrǵyzstan úkimetin basqardy. Almazbek Atambaev prezıdenttik naýqanǵa qatysqandyqtan, 2011 jyldyń 23 qyrkúıegi men 11 qarashasy aralyǵynda, sondaı-aq 2011 jyldyń 1-23 jeltoqsany aralyǵynda premer-mınıstr mindetin atqardy.

2015 jyldyń qazanynan beri – Qyrǵyz Respýblıkasy Joǵarǵy Keńes depýtaty, «Respýblıka-Ata Jurt» parlamenttik fraksıasynyń lıderi.

Eske sala keteıik, Nazarbaevtyń Babanovpen kezdesken bolatyn. Ó.Babanov qyrǵyz halqy Nursultan Nazarbaevtyń bitimgerlik jolyndaǵy kúsh-jigerin joǵary baǵalap, ony qoldaıtynyn atap ótti.