Atyraý oblysynyń prokýrory Ernat Sybanqulovtyń habarlaýynsha, 13 qazanda oblys prokýratýrasynyń úılestirýimen oblystyq UQKD-niń qyzmetkerlerimen «Qazavtojol UK» AQ-nyń AOF qyzmetkeri ustaldy.

Oblys prokýrorynyń málimdeýinshe, 28 qyrkúıekte  oblystyq UQKD-ne belgisiz azamat memlekettik satyp alý boıynsha konkýrsty utqan kompanıasymen oblystyń avtojoldaryn jóndeý jumystaryn júzege asyrý barysynda ártúrli áreket nemese áreketsizdik jasaý úshin «Qazavtojoldyń» laýazymdy tulǵalary tarapynan aqsha qarajattaryn suraý faktileri týraly shaǵymdanǵan.

Oblys prokýratýrasymen jasyryn tergeý áreketterine birden sanksıa berilip, nátıjesinde faktiler rastaldy, oryndalǵan jumys aktisine qol qoıý úshin merdiger kompanıadan deldal arqyly iri kólemde 73 300 AQSH dollaryn alý kezinde UQKD-niń qyzmetkerlerimen «Qazavtojol UK» AQ-nyń AOF bólim basshysy ustaldy. 

Ulttyq kompanıanyń laýazymdy tulǵalary kelisim sharttarǵa qol qoıǵan soń, merdiger kompanıanyń basshylyǵynan para túrinde aqsha qarajatyn suraǵan.

Qazirgi ýaqytta kúdiktiler QPK-niń 128 babyna saı, Atyraý qalalyq İİB-nyń ýaqytsha ustaý ızolátoryna qamaýǵa alynyp, Qylmystyq kodeksiniń 366 baby, 4 bóligine saı (para alý) tergep, tekserý júrgizilýde. Qylmystyq istiń tergelýi oblys prokýratýrasynyń baqylaýyna alyndy.

  Ernat Sybanqulov