Ýkraınanyń Hmelnıskıı qalasyndaǵy mektepterde endi orys tili oqytylmaıdy, dep Qamshy.kz aqparat agenttigi Baq.kz saıtyna silteme jasap habarlaıdy.
«Dúısenbiden bastap Hmelnıskııde orys tilin oqytatyn birde-bir mektep jáne synyp bolmaıdy»,-delingen málemdemede. Basqa málimetter kórsetilmegen. Hmelnıskıı qalalyq keńesiniń bilim berý departamentinde qala mektepterinde orys tili oqytylmaıtynyn rastady.
«Hmelnıskııde jalpy bilim beretin mekemelerde orys tilin oqytýdan bas tartqandyǵymyzdy rastaımyn. Shynynda da bul qala basshysynyń ustanymy boldy. Ári ata-analardyń da qalaýy, olar buny tıisti ótinishpen rastady», - degen dırektor departamenti Roman Mykolaıv.
Sonymen qatar ol orys tilin oqytpaý týraly sheshim qalalyq keńeste daýys berý jolymen emes, departament qabyldaǵanyn aıtty. Mykolaıv orys tilin tek ata-analar talap etkende ǵana oqytatynyn aıtqan, biraq eki jaǵdaıda ǵana.
«Tek orys tilin ǵana emes, rom, vengr tilin oqyǵysy keletinder bolýy múmkin. Mundaı jaǵdaıda olar ótinish jaza alady. Sonymen qatar laıyqty kadr bolýy jáne kelip túsken ótinish 12 oqýshydan kem bolmaýy kerek. Mundaı jaǵdaıda ótinishti oryndaımyz. Bizde orys tilinen fakúltatıvter bar. Biraq olardy da alyp tastaý qajet dep oılaımyz», - dedi Mykolaıv.
Mykolaıvtiń pikirinshe, orys tilin oqytpaý oqýshylardyń quqyqtaryn shektemeıdi, «kerisinshe orys tiliniń kesirinen bolyp jatqan bosańsýdan qutylyp, Ýkraına memleketiniń nyǵaıýyna kómektesedi». Onyń pikirinshe, oqýshylar orys klasıkterin túpnusqada oqı alady, óıtkeni televıdenıe men radıonyń basym kópshiligi orys tilinde habar taratady. Basylymnyń málimetinshe, Hmelnıskııde jalpy 41 mektep bar.
Qyrkúıek aıynda Ýkraına prezıdenti eldegi az ulttyń tilinde bilim berýdi qysqartý týraly Zańǵa qol qoıǵan bolatyn. Ol 28 qyrkúıekten bastap kúshine endi. Bul zań kezeń-kezeńimen 2020 jylǵa deıin qoldanysqa enetin bolady. Birneshe eldiń úkimetterinde, sonyń ishinde Vengrıa men Rýmynıada zań Ýkraınadaǵy az ulttyń quqyqtaryn buzatyny aıtyldy. Máskeý de bilim berý týraly zań Kıevtiń konstıtýsıasy men halyqaralyq mindettemelerin buzady dep sanaıdy.
