Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń «Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy» RMQK   2017 jylǵy  27  qazanda memlekettik organdar arasynda «Memlekettik til – memlekettik qyzmette»respýblıkalyq konkýrsyn ótkizedi dep habarlaıdy Qamshy.kz aqparat agenttigi.

Konkýrstyń maqsaty – memlekettik tildi jetik meńgergen memlekettik qyzmetkerlerdi yntalandyrý jáne memlekettik organdarda til saıasatynyń qoldaý tabýyna yqpal etý.

Konkýrsqa memlekettik organdardyń memlekettik qyzmetshilerinen quralǵan komandalar qatysady. Olar«Sálemdesý», «Jer-sýdyń aty – tarıhtyń haty», «Qazaq sózi», «Úı jumysy» kezeńderinen ótedi.

Arnaıy qurylǵan qazylar alqasynyń sheshimimen úzdikter anyqtalyp, dıplomdarmen, alǵysqattarmen jáne syılyqtarmen marapattalatyn bolady.