Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń memlekettik tapsyrmasy boıynsha  Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy «Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasy» aıasynda memlekettik tildiń qoldanys deńgeıin keńeıtý, ilespe aýdarmashylardyń biliktiligin arttyrý maqsatynda qazaqsha-oryssha, oryssha-qazaqsha ilespe aýdarma júrgizýdi úıretýdiń sheberlik klastaryn ótkizedi dep habarlaıdy Qamshy.kz aqparat agenttigi.

Atalǵan sheberlik klastary memlekettik tildiń qoldanys aıasyn keńeıtý maqsatynda qazaqshadan orysshaǵa jáne orysshadan qazaqshaǵa ilespe aýdarma jasaıtyn aýdarmashylardyń biliktiligin arttyrýdy kózdeıdi.

Sheberlik klastarynda aýdarma teorıasy, jazbasha aýdarma men aýyzsha aýdarmanyń erekshelikteri, ilespe aýdarmashyǵa qajetti bazalyq gramatıkalyq jáne frazeologıalyq modelder, sózdik qordy baıytý jumystary boıynsha dárister oqylady. Sonymen qatar, aýdarmashy mamandarǵa aýdarma teorıasy men praktıkasy, aýdarmatanýdyń ózekti máseleleri sheńberinde oqý-ádistemelik kómek kórsetilip, aýdarma salasyndaǵy ǵalym  mamandar ozyq tájirıbesimen bólisedi.

Sheberlik klasyn belgili aýdarmashy, fılologıa ǵylymdarynyń kandıdaty Kamal Álpeıisova júrgizedi. Sheberlik sabaqtaryna ǵalym aýdarmashylar, sala mamandary, mınıstrlikter men ákimdikterdiń, oblystyq, qalalyq  tilderdi damytý basqarmalarynyń, memlekettik jáne memlekettik emes mekemelerdiń aýdarmashylary qatysady.

Qatysýshylarǵa biliktilik sertıfıkattary tabystalady.