AQSH-ta 40-tan astam kongresmen rohındja musylmandaryna kórsetken qysymdary úshin Mánmaǵa sanksıalar salýdy usyndy, dep jazady Qamshy.kz aqparat agenttigi.

«Biz Bırma aýmaǵynda qamalǵan nemese eline qaıtpaq nıettegi adamdardyń qaýipsizdigi úshin qolymyzdan kelgeniniń bárin jasaımyz», - dep keltirdi Reıter agenttigi AQSH bıliginiń habarlamasyn.

Buǵan deıin AQSH Mánmanyń áskerı bıligine qarsy sanksıalar qoldanǵan edi. Keıin bul eldiń demokratıa jolyndaǵy qadamdaryn baıqaǵan resmı Vashıngton qujattyń kúshin joıǵan bolatyn. Endi kongresmender sol qujattardy qaıta kúshine engizýdi talap etip otyr. Kóshi-qon jónindegi halyqaralyq uıymnyń deregi boıynsha, Bangladeshke tamyzdyń sońynan bastap Mánmadan 500 myńnan astam bosqyn bas saýǵalap kelgen.

Rohındja halqy turyp jatqan aımaqtaǵy jaǵdaı bulyńǵyr. Óıtkeni ol jerlerge buqaralyq aqparat quraldary men halyqaralyq uıym ókilderine kirýge jol joq. Quqyq qorǵaýshylar rohındjalyqtardyń ólimine Mánma bıligi kináli dep aıyptasa, mánmalyq úkimet, kerisinshe, gýmanıtarlyq kómek kórsetilip jatyr dep aǵynan jaryldy.