Úndistan astanasy Delı qalasynda aýanyń lastanýy qalypty normadan 15 ese asyp ketti. Aýa jaǵdaıynyń kúrt nasharlaýyna Dıvalı festıvalindegi otshashýdan shyqqan tútin sebep bolǵan. Bul týraly RIA Novostı habarlaıdy.
Dıvalı – úndisterdiń kóshege shyǵyp petarda men otshashý shashyp toılaıtyn meıramy. Bılik jarylǵysh zattardy satýǵa tyıym salǵanmen, halyq bul meıramdy otshashýmen toılaýyn toqtatar emes. Qazir osy jaǵdaıǵa baılanysty turǵyndarǵa úıden shyqpaýǵa keńes berildi.
Air Quality Index júıesiniń monıtorıńine sáıkes, Delıdiń birneshe aýdanynda aýanyń lastanýy 999 birlikti quraǵan. Bul degen sóz ashyq aýada turýdyń ózi asa qaýipti.
