AQSH Soltústik Koreıaǵa qarsy áskerı shabýyl jasaýdyń josparyna kirisip ketti. Bul týraly The Daily Telegraph basylymy habarlady, dep jazady Qamshy.kz aqparat agenttigi.

«Pentagon Soltústik koreıalyqtarǵa qaljyńdap júrmegenderin túsindirý úshin, áskerı shabýyl jasaýdyń túrli nusqalaryn qarastyrýda», - dedi amerıkalyq qaýipsizdik organynyń burynǵy qyzmetkeri.

Basylymnyń málimetinshe, Aq úı sońǵy aıda Koreı jarty aralynyń ıadrolyq máselesine núkte qoıý maqsatynda áskerı shabýylǵa daıyndyǵyn kúsheıtken.

Kúsh kórsetý senarıiniń nusqalarynyń biri – Phenán kezekti zymyranyn synaqtan ótkizbeı turyp, qarý jaraǵy saqtalǵan qoımasymen qosa ushyrý alańyn qurtý.

Aıta keteıik, budan buryn KHDR «Tramp bizdi ıadrolyq soǵysqa shaqyrdy» dep málimdegen.