Eır Astana kompanıasynyń bortserikteri jappaı qazaq tilin úırenetin boldy dep habarlaıdy Qamshy.kz aqparat agenttigi. 

Aıta keteıik, osydan biraz ýaqyt buryn Oǵyz Doǵan atalmysh kompanıa bortserigin qazaq tilinde qyzmet kórsetpegeni úshin sotqa bergen bolatyn. Oǵyz Doǵan kompanıanyń keshirim surap, 1 teńge kóleminde aıyppul tóleýdi suraǵan. Eır Astana ókili keshirim suraýdan bas tartyp, Oǵyz Doǵandy ult arazdyqty qozdyrdy dep aıyptady. 

Osy istiń basy qasynda júrgen zańger Abzal Quspannyń pikirin bilgen edik.

– Men halyqtyń narazylyǵyn jetkizip ult arazdyqty qozdyrdy degendi alǵa tartyp Eır Astananyń aksıonerlerine aǵylshynsha hat jazamyn.  Aıta keteıin, Oǵyz Doǵandy qoldap kelgenderdiń qarasy kóp. Elý, alpystaı adam sotqa Qazaqstannyń túkpir-túkpirinen keldi. Shymkentten, tipti sonaý Oraldan kelgender bar. Bul halyqtyń rýhyn kóteretin shara boldy dep esepteımin.