BUU Bas assambleıasy AQSH-tyń Ierýsalımge qatysty sheshimin moıyndamaý jóninde rezolúsıa qabyldady. Qujatqa 128 el daýys bergen, qarsy bolǵandar sany – 9, al 35-i daýys berýden tartyndy, dep jazady Qamshy.kz aqparat agenttigi.

Rezolúsıaǵa qarsy shyqqandar – AQSH, Izraıl, Gvatemala, Gondýras, Marshallovy ostrova, Mıkronezıa, Naýrý, Palaý, Togo. Al Argentına, Benın, Kanada, Horvatıa, Latvıa, Rýmynıa jáne basqalary daýys berýden bas tartqan. Odan bólek 20 memleket daýys berý sharasyna múldem qatyspaǵan.

Budan buryn AQSH prezıdenti Donald Tramp BUU BA rezolúsıasyn qoldaǵan memleketterge qarjylaı kómek kórsetýden bas tartatynyn málimdegen.

Qabyldanǵan qujatqa sáıkes, «qasıetti Ierýsalım qalasyna qatysty mártebe men minezdiń, demografıalyq quramnyń ózgerýine ákeletin kez kelgen sheshimniń zańdyq turǵydan kúshi joq».

Aıta keteıik, 2017 jyldyń jeltoqsanynyń basynda Tramp Ierýsalımdi Izraıldiń astanasy retinde moıyndap, amerıkalyq elshiliktiń Tel-Avıvadan sonda kóshetini týraly qujatqa qol qoıǵan. Tramptyń bul sheshimi Taıaý Shyǵys pen Palestına elderi bastaǵan kóptegen memlekettiń narazylyǵyn týdyrdy.