Sybaılas jemqorlyqqa qatysty eshqandaı shara qoldanbaǵandyqtan OQO ákiminiń orynbasary tártiptik jaýapkershilikke tartyldy, dep habarlaıdy Qamshy.kz aqparat agenttigi Memlekettik qyzmet jáne sybaılas jemqorlyqqa qarsy is-qımyl Agenttiginiń baspasóz qyzmetine silteme jasaı otyryp.

Agenttiktiń habarlaýynsha, ózine júktelgen mindetti tıisinshe oryndamaǵan jáne de para alǵany úshin jaýapqa tartylǵan  OQO İshki saıasat basqarmasynyń basshysyna sotqa deıingi tergeý jumystary barysynda eshqandaı shara qoldanbaǵandyqtan OQO ákiminiń orynbasary Ulasbek Sadybekovke «sógis» jarıalanyp, tártiptik jaýapkershilikke tartylǵan.

QR Qylmystyq kodeksiniń 200-babyna sáıkes oblystyq ákimdiktiń İshki saıasat bólimine basshylyq júrgizetin Sadybekovke tártiptik jaza taǵaıyndaldy.

Esterińizge sala ketsek, basshy óz qolastyndaǵy jumysshylarynyń barlyq is-áreketine jaýapty bolyp tabylady.

OQO İshki saıasat basqarmasynyń basshysy Tólegen B. aǵymdaǵy jyldyń qazan aıynda 2,1 mıllıon teńge kóleminde para aldy degen aıyppen ustalǵan bolatyn. Qazirgi ýaqytta OQO İshki saıasat basqarma basshysynyń isi sotta qaralyp jatyr.