27 jeltoqsannan bastap Ýkraına men Reseı shekarasyndaǵy birneshe pýnktte bıometrıkalyq qadaǵalaý júıesi ornatylady dep habarlady Facebook-te Ýkraına ishki ister mınıstriniń keńesshisi Zorán Shkırák. Ol shekaranyń zań buzýshylar men kontrabandashylar kóp ótedi degen jerlerinde mobıldi bıometrıkalyq qadaǵalaý keshenderi ornatylatynyn aıtty, dep Qamshy.kz aqparat agenttigi Azattyqqa siltep jazady. 

Ýkraına prezıdenti Petr Poroshenko bıyl 1 qyrkúıekte 2018 jyldyń 1 qańtarynda Ýkraınanyń shekara pýnkterinde bıometrıkalyq málimetterdi tekserý júıesi jumys isteýi tıis ekenin málimdegen. Kıev Ýkraına qaýipsizdigine qater tóndiredi dep sanaıtyn keıbir elderdiń azamattary shekaradan bıometrıkalyq tólqujat arqyly ótedi. Eger bıometrıkalyq tólqujaty bolmasa, onda shekarada shetelge shyǵý tólqujatyna bıometrıkalyq málimetter engizilmek.