Oblys ákimi Danıal Ahmetov etnomádenı uıymdarynyń ókilderin jańa qonystarymen quttyqtady. Dostyq úıiniń jańa ǵımaraty – Metalýrgter mádenıet úıine arnaıy barǵan aımaq basshysy aralap kórip, jınalǵandarmen jumys josparyn talqylady. Sondaı-aq, birlestikterdiń qyzmetin jetildirý boıynsha birqatar usynystaryn jetkizdi.
SHQO ákimi kabınetterdi aralap, materıaldyq-tehnıkalyq jabdyqpen tanysty. Kezdesýge qatysýshylardyń pikirleri men usynystaryn tyńdaǵan Danıal Ahmetov aımaqty odan ári damytý, eń birinshi, buqaranyń kúsh-jigerin biriktirý arqyly ǵana júzege asatynyn erekshe atap ótti.
- Sizderdi jańa qonystaryńyzben quttyqtaımyn! Jańa jerde jaqsy jaıǵasypsyzdar. Metalýrgter mádenıet saraıy - úlken ǵımarat, 6800 sharshy metr. Urpaqtardyń sabaqtastyǵyn qamtamasyz eteıik, osynda balalaryńyzdy, nemerelerińizdi shaqyryńyzdar, - dedi Danıal Ahmetov. - Sondaı-aq, dástúrli túrde Dostyq úıiniń bastamasy boıynsha jyl saıynǵy esep berý festıválderin, konsertterin ótkizeıik. Halyq sizderdiń jumystaryńyz týraly kórip, biletin bolsyn.
Aıta ketý kerek, Metalýrgter mádenıet saraıynyń ǵımaraty etnomádenı birlestikterdiń ókilderine Qazaqstandaǵy alǵashqy Dostyq úıiniń 25 jyldyǵynda syıǵa tartyldy. Shırek ǵasyr ishinde ol oblystyń ǵana emes, búkil respýblıkadaǵy ulttyq mádenıetti damytyp, dástúrlerdi dáripteýge úlken úles qosty.
SHQO ákiminiń baspasóz qyzmeti
