Bıyldan bastap jańa bosanǵan analar sábıiniń týý týraly kýáligin uıaly telefonnyń kómegimen-aq ala alady. Sonymen qatar balabaqsha kezegine tirkelý, bir rettik járdemaqy alý máselesin de SMS habarlama arqyly sheshedi. Bul týraly Qamshy.kz aqparat agenttigi 24.kz-ke silteme berip habarlaıdy.
«Sıfrly Qazaqstan» baǵdarlamasy aıasyndaǵy bul bastama elimizdiń barlyq óńirlerinde synaq túrinde júzege asa bastady. Endi bala ómirge kelisimen, onyń ata-anasyna SMS-habarlama arqyly quttyqtaý kelip, sábıdi tirkeý boıynsha memlekettik qyzmetti alý usynysy jasalady. Qyzylordada proaktıvti qyzmet túrin alǵash paıdalanǵan analardy halyqqa qyzmet kórsetý ortalyǵynyń mamandary quttyqtap, týý týraly kýálikterin tapsyrdy. Osylaısha perzenthanadan shyqpaı-aq, bir ótinishpen 4 memlekettik qyzmet túrin paıdalaný tásilin nasıhattaý sharalary júrýde.
