Almatyda BTA Banktegi tonaý isi boıynsha taǵy bir sot otyrysy ótpek, dep jazady Qamshy.kz aqparat agenttigi.

Bul jolǵy tyńdalym Medeý aýdandyq №2 sotynda ótedi. Budan buryn aıyptalǵandardyń qataryna J. Jarymbetov, Q. Sadyqov jáne S. Mámeshten basqa 11 adam qosyldy.

Bolathanova Sáýlege (banktiń burynǵy menedjeri), Joldybaeva Sáýle (Banktiń burynǵy basqarma múshesi), Dıqanbaeva Ermek (banktiń nesıe komıtetiniń burynǵy múshesi), Isenov baqytjan, Mámesh Sádýaqas (bank basqarmasynyń burynǵy tóraǵasy), Tásibekov Baǵdatqalı (banktiń atqarýshy dırektory bolǵan), Ózbekqalıev Raıymhan (banktiń burynǵy menedjeri), Holodzınskıı Genrıg (bank dırektorynyń orynbasary bolǵan), Maqsatbek Jámıláǵa (bank basqarmasynyń burynǵy tóraǵasy) QR Qylmystyq kodeksiniń 176-baby 3-tarmaǵynyń «b» tarmaqshasyna sáıkes (16.07.1997 j. ózgertilgen, senip tapsyrylǵan múlikti zańsyz ıelený nemese múlkin urlaý) boıynsha kúdik taǵyldy.

Sondaı-aq para aldy degen kúdikpen Maqsatbekuly Ulyqbek pen Molchanova Elenanyń da isi sotqa jiberildi.

Aldyn-ala tyńdalym 16 qańtarda ótti. Alaıda BAQ ókilderin sot zalyna kirgizbegen. Sottyń isti qaraýy 23 qańtarǵa josparlandy.

Aıta keteıik, 2017 jyldyń 7 maýsymynda sot Áblázovtyń dúnıe múlkin tárkilep, 20 jylǵa bas bostandyǵynan aıyrǵan. Onyń sybaılasy Qaırat Sadyqov sot zalynan qamaýǵa alynyp, 15 jylǵa bas bostandyǵyn aıyrý týraly sheshim qabyldandy jáne 300 MRP kóleminde aıyppul taǵylyp, bank salasynda qyzmet etý quqyǵynan aıyryldy.