Áleýmettik jeli arqyly Aqordanyń qaqpasyna soǵylǵan kóliktiń sýreti qyzý talqylanyp jatyr dep habarlaıdy Qamshy.kz aqparat agenttigi. Fotoǵa tirkelgen jazbada kólik tizgininde spırttik ishimdikke toıyp alǵan polıseı bolǵany jazylǵan.
«17 qańtarda saǵat 3:20 shamasynda Astana qalalyq İİD ÁPB jeke mamandandyrylǵan batalónynyń ınspektory, polısıa aǵa leıtenanty Imanbekov mas kúıinde memlekettik nómiri 420 ULA 01 Porsche Cayenne avtokóliginiń tizgininde otyryp, Aqorda rezıdensıasynyń qorshaýyna baryp soǵyldy (Dostyq kóshesi jaǵynan). Jol-kólik oqıǵasy kezinde kólikte Astana qalalyq İİD ÁPB jeke mamandandyrylǵan batalónynyń komandıri, polısıa kapıtany Jumahmetov (kóliktiń ıesi) te bolǵan. Ol oqıǵa ornynan qashyp ketti. Astana qalalyq İİD İshki qaýipsizdik basqarmasy qyzmettik tekserý júrgizýde», - delingen atalǵan habarlamada.
