Atyshýly «Qalaýlym» baǵdarlamasyn júrgizgen Zarına Omarova ózin synaǵandarǵa jaýap berdi dep jazady Qamshy.kz aqparat agenttigi. Aıta ketetin bolsaq atalǵan baǵdarlamanyń júrgizýshisi Asha Mataı otbasymen birge Mysyrda demalyp júr.
«Tikeleı efır túgili, merekelik konsertterdiń tizginin ustap kórmegen maǵan, osyndaı tosynsyı jasaǵan uıymdastyrýshylardyń senimin aqtaı alar ma ekenmin dep, ózim de ýaıymdaǵanymdy jasyrmaımyn. Sizder bárin sezetin, kózderińiz ashyq jandar bolǵannan keıin, baıqamaýlaryńyz múmkin emes árıne. Syn aıtqan jandarǵa da, túsinip, demeý bildirgen jandarǵa da alǵysym sheksiz. Syn túzelmeı, min túzelmeıdi. Jáne syn adamdy jigerlendiredi. Sondyqtan jaqsy bolsyn, jaman bolsyn árqaısylaryńyzdyń jazǵan pikirlerińiz, maǵan bolashaqqa qamshy.
Súıikti baǵdarlamalaryńyzdy, sizder oılaǵandaı jetkize almasam aıyp etpeńizder. Onyń ústine kúnde kórip júrgen bolsam da, ákemniń efırge shalǵan qońyraýy kútpegen jaǵdaı bolǵan soń ba, qobaljyp qaldym. Qysqasy bári artta qaldy», – dep jazdy ánshi ınsta-paraqshasynda.
