Almatyda kólikti reformalaý aıasynda qoǵamdyq kólikterdi jańartý júrgizilip jatyr. Búgin Evro-5 ekologıalyq sanatyndaǵy jańa avtobýstar №127 baǵyt boıynsha jolǵa shyqty, dep habarlaıdy Zakon.kz-ke silteme berip Qamshy.kz aqparat agenttigi.
Buryn osy baǵyttaǵy avtobýstar eski bolǵandyqtan jolaýshylar tarapynan jıi synǵa ushyraıtyn.
Búginnen bastap «Qazaqfılm» jáne Qonaev kóshesi, Raıymbek dańǵyly boıynsha kún saıyn 12 avtobýs qatynaıdy, ıntervaly - alty mınýt. Tómen edendi, uzyndyǵy 9,5 metrlik avtobýstar vıdeobaqylaý kameralarymen, kondısıonerlermen, pandýstarmen jáne jaılylyq úshin qajetti taǵy basqalarymen jabdyqtalǵan.
Boljam boıynsha, bul baǵyttaǵy jolaýshy legi 7-den 9,5 myń adamǵa deıin artady dep kútilýde.
Buǵan deıin Almatyda №22, 70, 86, 65, 103, 50, 126, 112 baǵyttary boıynsha jańa avtobýstar jolǵa shyqqan edi. Sondaı-aq №77 baǵyt qaıta jańaryp, №201 magıstraldy baǵyt jáne №1 baǵyt ashyldy. Kórshi oblystan qalaǵa qosylǵan eldi mekenderdi jolaýshylar kóligimen tolyq qamtý úshin qosymsha 10 baǵyt ashyldy.
Jalpy, kólikti reformalaý aıasynda Almatyda syıymdylyǵy ártúrli 388 avtobýs alynǵan edi. Olardyń 230-y jolda júr, 160 jańa avtobýs aqpan aıynyń sońyna deıin kezeńmen baǵyttarǵa shyǵady. Jeke tasymaldaýshylar da 254 jańa avtobýs aldy, olardyń 91-i qala joldarynda qyzmet kórsetýde.
