Búgin Máskeýde Qazaqstan Respýblıkasynyń Reseı Federasıasyndaǵy Tótenshe jáne Ókiletti Elshisi Imanǵalı Tasmaǵambetov Reseıdiń Qazaqstandaǵy Elshisi Alekseı Borodavkındi qabyldady. Bul jaıynda Qamshy.kz aqparat agenttigi Reseıdegi Qazaqstan Elshiliginiń baspasóz qyzmetine silteme jasap habarlaıdy.
Qos tarap Qazaqstan men Reseı qarym-qatynasynyń negizgi tustaryna jáne de elde ótetin bıylǵy mańyzdy sharalaryna toqtalyp ótti.
Bul 9-shy Astanadaǵy Sırıa jónindegi kelissózderdiń júrgizilýi. Sonymen qatar, Kaspııdiń quqyqtyq mártebesin anyqtap beretin besinshi samıttiń Qazaqstanda ótýi. Zamanynda KSRO men Iran memleketiniń arasynda ǵana jatqan qart Kaspııge keńes odaǵy kúıregennen keıin Iran jáne Reseımen qatar álem kartasynan oryn alǵan Qazaqstan, Ázerbaıjan, Túrikmenstan elderi de ıelik etken edi. Sodan beri atalǵan 5 memleketiń arasyndaǵy teńizdiń túbindegi mol tabıǵı resýrstarmen qatar geosaıası shekara bólý máselesindegi kúrmeýi kóp máseleler sheshilgen emes.
Budan ózge, altynshy ret ótkeli otyrǵan álemdik jáne dástúrli dinder lıderleriniń sezi jáne Qazaqstan men Reseıdiń HV óńiraralyq yntymaqtastyǵy forýmy.
Osy jyldyń josparyn keńinen talqylaǵan uıym jetekshileri, júrgizilip otyrǵan kóp baǵyttaǵy sharalardyń mańyzdylyǵyna toqtaldy. Munymen qosa, syrtqy saıasattaǵy baılanys múmkinditerin jetildirýge de erekshe mán berildi.
