Býrabaı aýdanynyń ortalyǵy Shýchınsk qalasyndaǵy №7 mektep-lıseıinde Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasyn nasıhattaý maqsatynda aýdandyq «Rýhanı jańǵyrý» kabınetiniń ashylý saltanaty ótti, dep habarlaıdy Qamshy.kz aqparat agenttigi Aqmola oblysy ishki saıasat basqarmasynyń Óńirlik komýnıkasıalar qyzmetine silteme jasaı otyryp.
«Rýhanı jańǵyrý» kabıneti – týǵan jerdiń tarıhyna, ádebıetine, salt-dástúrine degen súıispenshiligin arttyrý, azamattardyń boıynda patrıottyq sezimderin qalyptastyrý maqsatynda quryldy.
Atalǵan kabınettiń ashylý saltanatyna Býrabaı aýdanynyń ákimi Qanat Qaraýylov, aýdan ákiminiń orynbasary Marpýǵa Nurpanova, aýdandyq máslıhattyń hatshysy Ótelbaı Beısenov, ardagerler keńesiniń tóraǵasy Malgeldi Jumaǵulov, oblystyq bilim basqarmasynyń oqý-ádistemelik kabınetiniń bólim basshysy Sulýshash Qojahmetova, bilim bóliminiń basshysy Jangeldi Tólegenov, aýdandyq mádenıet jáne tilderdi damytý bóliminiń basshysy Dına Qarsybaeva, kolej, mektep, balabaqsha basshylary, aýdan kitaphanashylary, eńbek ardagerleri jáne joǵary synyp oqýshylary qatysty.
«Rýhanı jańǵyrý» kabınetiniń ashylý sheńberinde qatysýshylardyń nazaryna birinshi qabattaǵy kıiz úıde «Aýylym altyn besigim» atty qazaqtyń salt-dástúrinen kórinis kórsetildi. Qonaqtar dastarhanǵa qoıylǵan ulttyq taǵamdarmen tanystyrylyp, kıiz úıdiń syrtynda balalardyń qatysýymen ótkizilgen ulttyq oıyndardy tamashalady.
Ekinshi qabattaǵy tehnologıa kabınetterinde oqýshylardyń qolymen jasalǵan ulttyq taǵamdar jáne qolóner buıymdarynan kórme uıymdastyryldy. Shákirtter kórmedegi árbir zattyń jasalý jolymen, quramymen tanystyrdy. Sodan keıin mekteptiń sport zalynda umyt bolǵan ulttyq oıyndar ótkizilgen. Sonymen qatar, aýdandaǵy daryndy jáne talapty jastarydyń ǵylymı jumystarynan kórme uıymdastyrylyp, kelgen qonaqtar úzdik jumystarmen tanystyrylǵan. Qatysýshylar mekteptiń úshinshi qabatynda ornalasqan «Rýhanı jańǵyrý» kabınetiniń saltanatty ashylý rásiminde de boldy.
«Rýhanı jańǵyrý» kabınetin saltanatty túrde ashý qurmeti Býrabaı aýdanynyń ákimi Q.Qaraýylovqa berildi.
Kabınetti prezentasıalaý barysynda onyń kelesi bólimderden turatyny baıandaldy: «Týǵan ólke tabıǵaty», «Býrabaıym – altyn besik terbetilgen», «Ótkennen eles», «Tarıh betterinen», «Tarıhı tulǵalar», «Ótken kúnniń tarıhy», baıandaý negizine fotosýretter qoldanyldy. Sol sıaqty, qazaq eli tarıhynan syr shertetin kitaptar men latyn álipbıiniń úlgisi tanystyrylyp, teledıdardan «Rýhanı jańǵyrý» baǵdarlamasy jaıly beınerolıkter kórsetildi.
Bul kabınet bolashaqta jas urpaqtyń tárbıesine ózindik qomaqty úlesin qosatyny sózsiz.
