OAR-dyń vıse-prezıdenti Sırıl Ramaposa eldiń jańa prezıdenti retinde ant qabyldady. Ant qabyldaý rásimi jergilikti News24 telearnasynda tikeleı efırden kórsetildi, dep jazady Qamshy.kz aqparat agenttigi.
Sharaǵa parlament músheleri, Mogoenga sýdıalary, sonymen qatar jýrnalıser men sheteldik qonaqtar qatysty.
Ol OAR-dyń burynǵy prezıdenti Djeıkob Zýma merziminen buryn otstavkaǵa ketetinin málimdegennen keıin ótken parlament otyrysynda prezıdent bolyp taǵaıyndaldy.
Aıta keteıik, Djeıkob Zýma óz erkimen ókilettiligin merziminen buryn aıaqtaıtynyn týraly málimdegen.
«Men respýblıka prezıdenti qyzmetinen otstavkaǵa ketý týraly sheshim qabyldadym. Uıym basshylyǵynyń sheshimine kelispeýime qaramastan, men basqarýshy partıanyń tártibine árdaıym baǵyndym», - degen edi Zýma óz málimdemesinde.
Sondymen qatar, ol senimsizdik votýmynan da, ımpıchmentten de qoryqpaıtynyn jáne bul prosedýralardyń óz kóshbasshylarynyń ókilettigin toqtatýda azamattardyń qoldanatyn zańdy tetigi ekendigin atap ótti.
Sońǵy ýaqytta basqarýshy partıa memlekettik qazynanyń ońdy-sońdy shashylýyna baılanysty opozısıa tarapynan qysym kórip júrgen. 2014 jyldan beri opozısıa Zýmadan memleketke bar qarjyny qaıtarýyn talap etip keldi. Alaıda Zýma qarjy operasıasy arnaıy qyzmettiń baqylaýynda ekenin aıtyp, kinásin moıyndaýdan bas tartty.
