16 aqpanda Parlament Májilisiniń depýtattary, QR Aýyl sharýashylyǵy mınıstrliginiń ókilderi jáne qoǵam belsendileri jer týraly zań jobasyn talqylaǵan bolatyn. Qoǵamdyq tyńdaýdy júrgizgen Muhtar Taıjan óziniń Facebook paraqshasynda jıynǵa qorytyndy jasady, dep habarlaıdy Qamshy.kz aqparat agenttigi.
(avtordyń emlesi saqtaldy – Qamshy.kz)
"Bul jıyndy men arandatý-anonımka hat paıda bolǵannan keıin ótkizem dep sheshtim. Jer týraly jańa zańyn bıliktiń ókilderi jáne halyqqa tanymal tulǵalar birge jınalyp talqylasyn, dep. Sonda ǵana bul zań halyqqa aıqyn bolady. "Men baryp tyńdaıyn" deıtinderge esik ashyq boldy.
Jalpy jıyn óte paıdaly boldy dep sanaımyn. Zańnyń jasaýshylary (ASHM, vıse-mınıstri Erlan Nysanbaev, Jer komıteti tóraǵasynyń orynbasary Gúljahan Bımendına), qabyldaýshylary (parlament depýtattary Saparhan Omarov pen Berik Ospanov), zańnyń oponentteri (Aıdyn Egeýbaev pen Anton Fabryı), táýelsiz zańger-sarapshylary (Abzal Quspan pen Bakytjan Bazarbek) árqaısy 10 mınýttik baıandamalaryn jasap berdi. Rahmet aıtam!
Ári qaraı talqylaý bastaldy. Sóz sóılegender - Saǵat Júsip - jıyndy ashty, Rysbek Sársenbaı (ALMATY), Ermýrat Bapı (ALMATY), Erlan Kalıev (ALMATY), Dos Kóshim (QYZYLORDA), Bolat Nýrhojaev (QYZYLORDA), Jánibek Qojyq (MAŃǴYSTAÝ), Ýaıs Ersaıynuly (Uais Yersaiynuly) (MAŃǴYSTAÝ), Lýkpan Ahmedárov (ORAL), Nurlan Sádir (ORAL), ısataı ýtepov (Isatai Utepov) (ORAL), Ruza Beisenbai Tegi (KEREKÝ), Jeksen Abdrahmanov (QARAǴANDY), Nurlybek Qýańbaev (Nurlybek Kuanbaev) (JELTOQSANSHY), Aıgúl Orynbek (SHYMKENT)
Kóp oryndy usynys-oılar aıtyldy. Bári oratorlar bárimiz aldyn ala kelisken 5 mınýttik reglamentimizdi jáne jıynnyń kún-tártibin saqtap sóıledi. Tek qana Rysbek Sársenbaı aǵamyz oǵan qaramastan 25 mın sóıledi, ıaǵnı 5 adamnyń ýaqytyn jalǵyz ózine jumsady.
Jıynnyń moderatory bolǵannan keıin men bir-eki ret buny eskerttip aıttym, basqalarǵa ýaqyt jetispeıdi, dep. Biraq Rysbek aǵam meni tyńdaǵan joq. Aqyry dál solaı boldy, biz qonaq úıde jaldaǵan ýaqyt bitti, jınalysqa óz erkimen kelgen adamdarǵa sóz sóıleýge ýaqyt jetispeı qaldy. Menińshe, demokratıa - ol basqa adamdardyń da quqyqtaryn buzbaı, qurmetteýdi bilý. Jáne aldyn ala kelisken sharttardy oryndaý, moıyndaý.
Al shyny kerek keıbir adamdarǵa ýaqyt bolsa da sóz bermes edim. Qasıetti jumada kıeli jer máselesin qoǵammen birge talqylaýǵa araqqa toıyp alyp kelýge bola ma? Men jeltoqsanshy Qurmanǵazy Rahmetovty aıtyp otyrmyn. Jastarǵa ne úlgi kórsetip otyrsyzdar, aǵalar? Uıat emes pe ózi? Árıne men mas adamǵa sóz bermedim, sol úshin jıynnyń sońynda Qurekeńniń menimen tóbeleskisi keldi) Sóz joq.
Basqalar, Salım Oten sekildi, trıbýnanyń qasynda otyryp alyp, baıandamaýshylarǵa arnaıy kedergi jasap otyrdy. Bundaı kásibı provokatorlyq áreketterge nege barasyzdar, aǵalar? Negizi, jıynnyń vıdeo jazbasyn myńdaǵan-myńdaǵan adam kórip otyr. Sonda halyq kim kim ekenin, keı belsendilerdiń ıntellektýaldy deńgeıi qandaı, óz kózimen kórip otyr. Ol da jıynnyń úlken paıdasy dep sanaımyn.
Sózdiń qysqasy, ózim mynandaı qorytynǵa keldim. Endi meniń uıymdastyrýymen ótetin bundaı otyrystar jabyq esikpen ótedi. Zalǵa adam tek qana tizim boıynsha kiredi. Basqalar úıde komptyń aldynda tikeleı efırmen qarap otyrsyn, mádenıetke úırensin kishkene.
Biraq jıynnyń naqty jaqsy nátıjeleri de bar. Tústen keıin ASHM vıse-mınıstri - Nysanbaev myrza maǵan habarlasyp Abzal Quspannyń, Bahytjan Bazarbektiń tel surap ózine shaqyrdy. Abzaldyń aıtýynsha, olar keshe 18.00-20.00 jer zańyn talqylap otyrdy. Ol óte jaqsy, aǵaıyn. Jer máselesimen kásibı, halyq senetin, bilimdi zańgerler aınalysý kerek.
Jer - jalpy ulttyq qazynasy. Bılikte otyrǵandar da marsıandar emes, olardyń da qany qazaq. Jerge kelgende sen bıliksiń, men opozısıa dep bólinbeı, halyqqa qajet jumysty birigip atqarý kerek. Aıqyn ǵoı, bıliksiz ne zań qabyldaı almaısyń, ne bul zańdy oryndata almaısyń. Al qazaqqa ne kerek? Jer kerek! Sondyqtan keshegi bılikpen birge ótken jıynymyz salmaqty, ortaq, halyqqa paıdaly, saýatty, naqty jumystyń basy ǵana bolsyn, aǵaıyn! Oıym osy", - deıdi belgili ekonomıs, qoǵam qaıratkeri Muhtar Taıjan.
Jıynnan keıin qoǵam belsendisi Aıgúl Orynbek te jerdiń satylmaıtynyna jáne jalǵa berilmeıtinine senim bildirdi.
(avtordyń emlesi saqtaldy –Qamshy.kz)
"Jer satylmaıdy, jer arendaǵa berilmeıdi! Jınalysqa baryp oıymdy tolyq aıta almadym! Sebebi keıbir el aldynda júrgen aǵalardyń maskasy sheshildi. Bundaı jıynǵa araq iship kelip, aýzyna kelgenin qusý bul naǵyz nadandyqtyń belgisi. Bundaı aǵalarymyz jerge jany ashyp júrgen joq! Jastardy aldyna salyp qoıyp, ótirik ultjandy bolyp júrgen aǵalarymyzdyń shynaıy beınelerin kórý qandaı jıirkenishti deseńshi! Basqa elder damyp jatyr dep aıqaılaımyz. Árıne damıdy olar bir birin tyńdaı biledi. Al bizde she? Birin biri tyńdamaıdy, tipti syılamaıdy. Pikir aıtyp otyrsań "Aýzyńdy jap mal eý!"- dedi jańa jasy kelgen aǵamnyń bireýi. Osy ma seniń ultjandylyǵyń!? Órkenıetti elder qalaı damyp jatyr ?! Iadrolyq qarý damyǵan zamanda shıelenister beıbitshilik túrde sheshilgen durys. Biraq bizdiń keıbir aǵalar ondaıǵa daıyn emes sıaqty. Jer komısıasynyń jumysy jalǵasý kerek! Provakasıaǵa ermeńizder!" - dep jazdy Aıgúl Orynbek.
