Ózbekstan azamattary mingen avtobýs Hromtaý aýdanyna qarasty Jazyq aýyly mańynda aýdaryldy. «Mersedes» markaly kólikte júrgizýshimen qosqanda 25 adam bolǵan. Abyroı bolǵanda, jolaýshylardyń bári aman, tek jeteýi aýrýhanada em alyp jatyr. Bul týraly KTK jańalyqtary habarlady.
Avtobýsty júrgizgen OQO-nyń 25 jastaǵy turǵyny bolyp shyqty. Jol apatyna baılanysty qylmystyq is qozǵaldy.
2018 jyldan beri Aqtóbe oblysynda ózbek jolaýshylary otyrǵan ekinshi avtobýs apatqa ushyrap otyr. Bir aıdan asa ýaqyt buryn Reseıge bet alǵan jolaýshylar kóliginde Ózbekstannyń 52 azamaty tirideı janyp ketken edi. Aman qalǵan avtobýs júrgizýshisi men eki kómekshisine qatysty tergeý jumystary júrip jatyr.
