Sáken Maıǵazıev «Astana» aransyndaǵy «Syrlasý» baǵdarlamasynda ózin «namaz oqysa da, án salyp júr» dep synaǵandarǵa jaýap berdi.

«Men bireýdi araqqa, nashaqorlyqqa, birjynystylyqqa shaqyryp jatqan joqpyn. Ne bolmasa jartylaı jalańash shyǵyńdar dep jatqan joqpyn. Án arqyly Otanǵa, anaǵa degen súıispenshiligimdi jetkizip  júrmin. Jalpy ánniń de qadir-qasıetin bilýimiz kerek. Ol da teginnen tegin emes. Kóptegen shaıyr, jyraý-jyrshylarymyz osy sharıǵattyń ózin dombyramen jetkizgen. Keńes zamanynda hadıs bolmasa Qurandy aıtyp otyrǵanyn bildirtpes úshin jyrmen jetkize bilgen. Allanyń hıkmetin jetkizý maqsatynda Abaı, Shákárim atalarymyz óleńder jazyp ketken. Sol oraıda keıbireýler aqyndyq, ánshilik, aıtyskerlikti haram dep jatady. Biz soǵan jetpeı qalǵan dúnıelerdi durystap alaıyqshy. Otanymyzdy súıip alaıyq, Elbasymyzǵa járdemshi bolyp alaıyq. Kózimizge kórinip turǵan nárselerdi qaryq qyp alaıyq», – deıdi ánshi.