Keshe keshki 20.00 shamasynda Ulttyq ulannyń 5573 áskerı bóliminiń jaýyngerleri Astana qalasy Altynsarın kóshesinde janyp jatqan «Volkswagen Passat» markaly kólikti baıqaıdy. Áskerı jasaq bastyǵy Álimqul Temirlan men patrúlder Beıimbet Muratuly jáne Maǵjan Aıdarhanov oqıǵa týraly dereý áskerı jasaq kezekshisi aǵa leıtenant Erbol Jýmın men patrúldik top bastyǵy serjant Qızat Pishembaevqa baıandaıdy. Artynsha Saryarqa aýdany İİB «Bars» kezekshi qyzmeti arqyly órt sóndirý jasaǵyn shaqyrady.
Ulandyqtar eń birinshi kezekte kólik ishinde abdyrap otyrǵan kólik ıesiniń 4-5 jasar nemeresin syrtqa shyǵarady. Sodan órt sóndirý qyzmeti kelgenshe ýaqyt joǵaltpaı, oqıǵa ornyn qorshaýǵa alyp qaýipsizdik sharalary men órtti sóndirýge kirisip ketedi. Kóshedegi kólikter men jaqyn mańdaǵy №25 mekteptiń kóbikti órt sóndirgish quraldaryn paıdalana otyryp, jalyndy aýyzdyqtaıdy.
Kólik ıesi 1947 j.t. Andrúsenko Iýrıı Petrovıch der kezinde kómekke kelip, jamandyqtyń aldyn alǵan Ulttyq ulan áskerı qyzmetshilerine rızashylyǵyn jetkizip, 5573 áskerı bólimi komandıriniń atyna alǵys joldady.
