Jýyrda ál-Farabı atyndaǵy Qazaq Ulttyq ýnıversıteti Shyǵystaný fakúlteti dekany Y.M. Paltóre bastamasymen oqytýshylar quramy men stýdentteri Almaty qalasy Áýezov aýdany Qoja Ahmet Iassaýı atyndaǵy № 123 mektep-gımnazıasynyń muǵalimderi jáne 10-11 synyp oqýshylarymen kezdesti.
Kezdesýdiń negizgi maqsaty – Elbasy N.Á. Nazarbaevtyń «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» taqyrybyndaǵy joldaýy men «Iasaýıdiń búgingi urpaqqa aıtary» atty baıandama bóliminde Qoja Ahmet Iasaýı muralary men iliminiń zerttelý máselelerin talqylaý.
Kezdesýde Shyǵystaný fakúlteti dekany, PhD, Paltóre Yqtıar Moldatóreuly Joldaýdyń el ómirindegi mańyzdylyǵyna toqtalyp, «Bilimdi urpaq – bolashaǵymyzdyń negizgi tiregi», «Adamı kapıtal – jańǵyrý negizi basymdyǵy» boıynsha jan-jaqty tolyq málimet jasady.
Y.M. Paltóre: Qazaq eli táýelsizdikke qol jetkizgeli beri álemniń myqty elderimen úzeńgi qaǵystyrýǵa talpynyp keledi. Árıne, Elbasy Joldaýynyń maqsaty – elimizdi jahandyq básekege qabiletti etý. Iaǵnı, Elbasymyzdyń naqtylap bergen saıası baǵyty men josparyn birlik pen berekemizdi jarastyryp, jumylyp júzege asyrý mindetimiz bolyp tabylady. Elbasy Joldaýy – bolashaqtyń baǵdary ekendigi aıǵaq. Osy tusta bıylǵy Joldaýdyń on baǵytynyń ishinde ásirese, jetinshisine toqtalǵymyz kelip otyr. Sebebi, «Adamı kapıtal – jańǵyrý negizi» dep Elbasymyz atap kórsetkendeı, bilim berýdiń jańa sapasyna kóshýde bul saladaǵy baǵdarlamalardy qaıta qarap, jańa bilimdi meńgerý qabiletin damytý asa mańyzdy de bilemiz. Elimizdiń árbir azamaty óziniń súıikti isine, qyzmetine baılanysty Joldaýdyń baǵytyn iske asyrýdy kózdeý kerek dep oılaımyz. Sonda jumyla bolashaǵymyz óskeleń urpaqty bilimdi etip, irgetasyn qalaý máselesi mektep ustazdarynyń aldyna júktelgen mindet bolyp sanalady. Bilimdi urpaq – bizdiń jarqyn bolashaǵymyz. Sondyqtan N.Nazarbaevtyń negizgi kúshti adamı kaptıtal sapasyn jaqsartýǵa salyp otyrǵanynyń astarynda úlken mán bar, – dep memleketimizdiń bolashaǵy keleli urpaqtyń qolynda ekendigin dóp basyp aıtty.
Kezdesý negizinen eki bóliminen turdy: 1. «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» QR Prezıdenti N.Á. Nazarbaevtyń joldaýyn talqylaý; 2. «Iasaýıdiń búgingi urpaqqa aıtary» baıandama bólimi (Qoja Ahmet Iasaýı muralary men iliminiń zerttelý máselelerine toqtalý);
Birinshi bólim barysynda oqytýshylar men tálimgerler 2018 joldaýdyń jańa baǵyttary jaıynda óz pikirlerimen bólisip, Joldaýdy oryndaýda qandaı jumystar jasalyný kerek, ony qalaı iske asyrý kerektigi jaıynda suraqtar qoıyp, óz jaýaptaryn ala aldy. Sonymen qatar, qatysýshylar Joldaýdaǵy kózdelgen 10 qadamdy oryndaýda óz úlesterin qosýǵa senim bildirdi.
Ekinshi «Iasaýıdiń búgingi urpaqqa aıtary» atty baıandama bóliminde Qoja Ahmet Iasaýı muralary men iliminiń zerttelý máselelerine toqtalyp, ózekti máseleler boıynsha mańyzdy taqyryptar qozǵaldy. TÚRKSOI kafedrasynyń meńgerýshisi, f.ǵ.k., dosent m.a. Qydyr Tóre Edilbaıuly «Danalyq sózde tálim bar» degen baıandamasynda jastardy oqý-bilimge, qarapaıymdylyq pen ómir qundylyqtaryn durys ajyrata bilýge shaqyrsa, Taıaý, Orta Shyǵys jáne Ońtústik Azıa kafedrasynyń dosenti, f.ǵ.k. Ahmetbekova Aqbota Karıbaıqyzy «Dıýanı Hıkmet» eńbeginiń jastar tárbıesindegi orny orasan zor ekendigine toqtaldy.
Kezdesýdiń ajaryn asha túsken Qazaq Ulttyq ýnıversıteti Shyǵystaný fakúltetiniń stýdentteri arnaıy daıyndaǵan «Bilimdi urpaq – jarqyn bolashaq kepili» 8 shyǵys tilinde (arab, túrik, koreı, qytaı, parsy, japon, ýrdý, hındı) boıynsha mánerlep óleń oqýy otyrysqa qatysýshylarǵa erekshe kóńil-kúı syılady.
Kezdesýdiń sońynda Almaty qalasy Áýezov aýdany Qoja Ahmet Iasaýı atyndaǵy № 123 mektep-gımnazıasynyń dırektory Baǵıla Ashımbaeva Masımahynqyzy QazUÝ Shyǵystaný fakúltetiniń dekany PhD Y.M. Paltóre men ujymyna erekshe alǵysyn bildire otyryp, bolashaqtaǵy birlese kóptegen ǵylymı jobalar men olımpıada, ár túrli issharalardy birlese ótkizeıik degen izgi nıetin bildirdi.
Qazaq Ulttyq ýnıversıteti Shyǵystaný fakúltetiniń dekany, PhD, Paltóre Yqtıar Moldatóreuly kezdesýdi qorytyndylaı kele:
– Mine, Qazaqstan Respýblıkasy damýdyń jańa dáýirine, táýelsizdigimizdiń úshinshi músheline qadam basty. Sol sebepti, táýelsizdigimizdiń tuǵyry men beriktigi bekem bolý úshin, álemdegi alpaýyt eldermen ıyq tirestirip, básekege qabiletti elge aınalý úshin Joldaýdy saraptap qana qoımaı, jasóspirimderge tárbıe men bilim berý qyzmetinde ár urpaqtyń sanasyna quıý arqyly at salysýymyz qajet. Sonda ǵana Qazaq eliniń keleshegi kemeldi, bolashaǵy jarqyn bolmaq! Elbasy Joldaýy – tyń serpilis berdi. Bul oqytýshylar men ustazdar pikiri. Jyldyń basty qujatyn ujym bolyp talqylaýdyń nátıjesinde kóptegen máselelerdiń sheshimin qarastyra aldyq. Sonyń ishinde áleýmettik máselelerge kóp kóńil bólinip, daǵdarys kezindegi eńbekaqynyń kóterilgeni jumysqa degen qushtarlyqtaryn arttyra túskendigin aıtady.
Elbasy: «Jaýapty sátte birligimizdi saqtap, elimizdiń ıgiligi úshin aıanbaı ter tógýimiz kerek. Birimiz – bárimiz úshin, bárimiz – birimiz úshin» degen qaǵıdany bizde berik ustaıyq aǵaıyn! – dep barshamyzdy oqý-bilimge shaqyrdy.
Shyǵystaný fakúlteti
Kafedra TÚRKSOI
Eshmetova B.B.
