Batys Sibirge aýysqan sıklon Qazaqstan aýmaǵy arqyly jyljıdy dep habarlaıdy Qamshy.kz aqparat agenttigi Qazgıdrometke silteme jasap.

6 naýryzda kún jyly bolsa, 7-8 naýryzda respýblıkanyń soltústik bóliginde qar, boran, kóktaıǵaq, qatty jel kútiledi.

Ońtústik oblystarda jaýyn-shashyn, ylǵaldy qar, tuman, keı jerlerde 23-28 m/s deıin kóteriletin jel soǵady. Qazaqstannyń ońtústiginde dabyldy eskertý jarıalandy:  

6 naýryzda Jambyl oblysynda keı jerlerde jel kúshi 15-20, ekpini 23-28 m/s bolady dep kútiledi. Al kúndiz oblystyń ońtústik-batysynda jel kúshi 30 m/s bolýy múmkin.

6 naýryzda  Taraz qalasynda qatty jel bolady. Ońtústik-batys, batys jeliniń ekpini 15-20, keı ýaqytta 23-28 m/s kútiledi.

6 naýryzda Ońtústik Qazaqstan oblysynda kúndiz jańbyr, taýly asýlarda  qatty jańbyr kútiledi. Kúndiz keı jerlerde naızaǵaı oınaıdy. Jel soǵady. Onyń kúshi keı jerlerde túnde 15-20 m/s, kúndiz 15-20,taýly asýlarda 30 m/s bolady dep  kútiledi. 

Buǵan deıin Almaty, Jambyl, Ońtústik Qazaqstan, Qyzylorda, Atyraý, Batys Qazaqstan, Qaraǵandy, Aqmola jáne Soltústik Qazaqstan oblystarynda daýyldy eskertý jarıalanǵan.

5-7 naýryzda Almaty, Jambyl, Ońtústik-Qazaqstan, Qyzylorda oblystarynda jaýyn-jashyn kútiledi. Osyǵan baılanysty, sý deńgeıi kóterilýi múmkin. 

5-6 naýryzda Atyraý, Batys Qazaqstan, Qaraǵandy, Aqmola, Soltústik Qazaqstan oblystary boıynsha kúndizgi aýa temperatýrasynyń 0+70C qysqa merzimdi joǵarylaýy, jaýyn-shashynǵa baılanysty jazyq aýmaqta qardyń erýi jáne erigen qar aǵynynyń qalyptasýy kútiledi.