T. Júrgenov atyndaǵy Qazaq Ulttyq óner akademıasy jáne «Kenen Ázirbaev atyndaǵy komersıalyq emes qory» 2018 jyldyń 6 naýryzynda «JAS EKPİN»  jas ónerpazdar respýblıkalyq konkýrsyna arnalǵan baspasóz konferensıasyn ótkizedi, dep habarlaıdy Qamshy.kz aqparat agenttigi.  

Baspasóz konferensıasynyń maqsaty - ǵasyrlar boıy urpaqtan urpaqqa amanat mura bolyp jetken halqymyzdyń dástúrli án-kúı salasyndaǵy asyl qazynasyn jan-jaqty nasıhattaý, halyq kompozıtorlarynyń án-kúılerin, terme-jyrlaryn jas urpaqtyń sanasyna sińirip, búgingi kúnniń talabyna saı tárbıeleý. Ásirese, qazaq halqynyń ánshilik-kúıshilik dástúrin (mektebin), oryndaýshylyq erekshilekterin dáriptep otyryp, jas talanttardy izdep tabý, bolashaq urpaqtyń boıynda týǵan eldiń ónerine, ótkenine degen qurmet, sezimin qalyptastyrý bolmaq. 

Baspasóz konferensıasyna Qazaqstannyń eńbek sińirgen ártisi, «Dástúrli mýzykalyq óner» kafedrasynyń meńgerýshisi Ramazan Stamǵazıev, «Dástúrli mýzykalyq óner» kafedrasynyń dosenti Murat Ábýǵazy, Kenen ánderiniń nasıhatshysy, «Dástúrli mýzykalyq óner» kafedrasynyń ustazy Sholpan Darjanova, «Dástúrli mýzykalyq óner» kafedrasynyń ustazy Nurjan Janpeıisov jáne «Kenen Ázirbaev atyndaǵy komersıalyq emes qorynyń» ókilderi jáne qor demeýshileri qatysady.