Energetıka vıse-mınıstri Ǵanı Sádibekov eki aıǵa qamaýǵa alyndy, - dep habarlaıdy Tengrinews.kz.
2 naýryzda Astana qalasynyń Almaty aýdandyq № 2 soty kúdikti Ǵanı Sádibekov pen Serikbaı Jumalınovty qamaýǵa alý týraly bultartpaý sharasyn qarastyrdy.
"Sot úkimimen kúdiktilerdi eki aı merzimge qamaýǵa alý túrinde bultartpaý sharasy shyǵaryldy. 3 naýryzda Astana qalasynyń Almaty aýdandyq № 2 soty kúdikti Bekzat Qadyrberlın men Jan Nurbekovty 2 aı merzimge qamaý týraly úkim shyǵarǵan edi", - delingen sot baspasóz qyzmetiniń ókilderi.
Eske salaıyq, Energetıka vıse-mınıstri Ǵanı Sádibekov pen birneshe laýazymdy tulǵa jemqorlyq deregi boıynsha ustaldyǵan edi.
"Sybaılas jemqorlyqqa qarsy kúres ulttyq is-qımyl búrosynyń qyzmetkerleri Energetıka mınıstrliginiń birneshe laýazymdy tulǵasyn ustady. Energetıka vıse-mınıstri Ǵanı Sádibekov "Aımaq" JSHS merdigerlik uıymynyń basshysy Dýanbek D.-men birige otyryp, búdjetten asa iri kólemdegi qarajatty jymqyrǵan. Ol qarajat Shýchınsk-Býrabaı kýrorttyq ornynda ózendi tazalaýǵa arnalǵan qarajat bolǵan. Osy qylmysqa Energetıka mınıstrliginiń departament basshysy Nurbekov J. men merdiger kompanıanyń ókilderi Jumalınov S. men Qadyrberlın B. qatysqan. Sádibekov qol qoıǵan jalǵan aktilerdiń nátıjesinde Energetıka mınıstrligi 2017 jyly oryndalǵan jumystardyń úlken kólemi úshin 3,6 mıllıard teńge tóledi. Osy somadan 1 mıllıard teńgeden asa aqsha qolma-qol tólemge aınaldyrylǵan. Tekseris kezinde bul aqshalar tárkilendi", - delingen vedomstvonyń habarlamasynda.
"2018 jyly ózen tazalaýǵa bólingen taǵy 1,5 mıllıard teńgeni jymqyrý deregine tosqaýyl qoıyldy. Sádibekov, Nurbekov, Dýanbek, Jumalınov jáne Qadyrberlın ustaldy. Sotqa deıingi tergeý júrgizilip jatyr", - dep habarlady agenttik ókili Nurlan Jahın.
Ǵanı Sádibekov 1967 jyly 23 qazanda dúnıege kelgen. Túrli jyldary (12.2009 - 12.2010 jyldar)Jambyl oblysy ákimi apparatynda basshy qyzmetin, 2010-2013 jyldar aralyǵynda Jambyl oblysy ákiminiń orynbasary, 2013-2016 jyldary Pavlodar oblysy ákiminiń orynbasary qyzmetterin atqardy.
Al energetıka vıse-mınıstri qyzmetine 2016 jyldyń 3 mamyrynda keldi.
