Qazaq stýdentiniń qapydaǵy qazasy eldegi joldastaryna da aýyr soqqy bop tıgen. Los-Andjelestegi bolǵan oqıǵaǵa qatysty olar marqumnyń áleýmettik jelidegi paraqshalaryna jappaı kóńil bildirip jatyr. Solardyń biri Daıyrdyń dosy – Bekbolat Tólegenuly. KTK arnasymen tikeleı efırge shyqqan Bekbolat Tólegenuly dosynyń qandaı sebeppen qazaq tapqany áli belgisiz deıdi.    

«Daıyr naǵyz birtýar uldardyń biri boldy. «Bıoınjenerıa» mamandyǵy boıynsha fakúltettiń eń úzdik stýdenti edi. Kóshpeli qazaq jurty jaıly zertteý jumystaryn júrgizetin. AQSH, fransýz zertteýshileriniń derekterin orys tiline aýdaryp, áleýmettik jelide tarıhqa qyzyǵatyn oqyrmandaryna arnap, qyzyqty jazbalar qaldyryp otyratyn. Keshegi habar qabyrǵamyzdy qaıystyrdy. Endi qalaı bolady eken?», - dedi dosynan aıyrylǵanyna sener-senbesin bilmegen Bekbolat.

Aıta keteıik, 23 jastaǵy Daıyr Saǵdıev Los-Andjelestegi Kalıfornıa ýnıversıtetin bitirip, bıyl elge oralýy tıis bolǵan. Alaıda qapyda qaza tapty. Stýdenttiń ólimine naqty ne sebep bolǵany ázirge belgisiz. Desek te amerıkalyq BAQ marqumnyń bıikten qulap ketkenin jazdy.

Qazir oqıǵanyń anyq-qanyǵyn Syrtqy ister mınıstrligi anyqtap jatyr.