QR Úkimetiniń otyrysynan keıin Energetıka mınıstri Qanat Bozymbaev orynbasary Ǵanı Sádibekovtiń ustalýyna qatysty pikir bildirdi, dep jazady Qamshy.kz aqparat agenttigi.

Bozymbaev bul jaǵdaıdyń ujym úshin aýyr soqqy bolǵanyn aıtty.

«Bizdiń mınıstrliktiń vıse-mınıstri jáne departament dırektory qamaýǵa alyndy. Bul bizdiń mınıstrlik úshin, ujym úshin óte aýyr soqqy boldy. Biraq, osy kezeńde árbir suraqty tıisti quqyq qorǵaý organdaryna, tıisti advokattarǵa joldaý kerek. Óıtkeni, qazirgi tańda bizdiń mınıstrlikte  eshqandaı materıal  joq. Sondyqtan biz málimet  bere almaımyz», — dedi Qanat Bozymbaev.

Eske sala keteıik, QR Energetıka vıse-mınıstri Ǵanı Sádibekov «Aımaq» JSHS merdiger uıymynyń basshysymen qylmystyq kelisimde Shýchınsk-Býrabaı kýrorttyq aımaǵyndaǵy kóldi tazartýǵa bólingen asa iri kólemdegi búdjettik qarajatty jymqyrdy degen aıyppen ustaldy. Astana qalasynyń №2 Almaty aýdandyq soty kúdikti — Ǵanı Sádibekov pen Serikbaı Jumalınovke qatysty eki aıǵa qamaýda ustaý túrindegi bultartpaý sharasyn qoldaný jóninde sheshim shyǵardy.