Novosıbırskte sot 52 jastaǵy  er adamdy ómirlik bas bostandyǵynan aıyrdy. Evgenıı Chýplınskıı burynǵy polısıa qyzmetkeri 19 áıeldi óltirdi dep aıyptaldy. Qylmysker jazasyn qatań rejımdegi kolonıada óteıdi dep jazady RBK.

Chýplınskıı áıelderge 1998-2005 jyldar aralyǵynda Novosıbırsk aımaǵynda shabýyl jasaǵan. Ol óltirgen áıelderdiń dene bólikteri men músheleri jergilikti aýdannyń qoqystary men jol boıynda tabylǵan. Belgili bolǵandaı, barlyq áıelder jeńil júristi, ıntım qyzmetterinde jumys istegen. Polısıa Chýplınskıı Evgenııdi DNQ analızi arqyly tapqan. Alaıda qylmyskerdi anyqtaý úshin barlyǵy  sarapta jasaýǵa 10 jyl ýaqyt ketken. Nátıjesinde qylmysker tek  2016 jyly ustalǵan.

Málimetterge qaraǵanda, Chýplınskıı óziniń qurbandaryn avtokóligine otyrǵyzyp, adam aıaǵy baspaıtyn jerlerge alyp ketip otyrǵan. Sol jerde olardy óltirip, bólshektegen. Onyń qurbandary 18-ben 31 jastaǵy áıelder boldy.