27 aqpanda úsh er adam Qostanaıdyń ortalyǵynda ornalasqan «Topolók» dúkenin tonap ketken. Urylardyń dúken qyzmetkerlerine shabýyl jasaǵany men kasadaǵy aqshany alǵan sáti vıdeoǵa túsip qalǵan.
Qostanaı oblystyq İİD qyzmetkerleri eki kúdiktini ustady. Biriniń jasy 23-te bolsa, ekinshi kúdiktiniń jasy 24-te. Urlyq jasaǵan úshinshi kúdikti izdestirilip jatqan.
3 naýryzda ol óz kinásin moıyndap İİD-ge keldi. Qostanaı oblystyq İİD baspasóz qyzmetiniń habarlaýynsha, onyń jasy 23-te. Qazir sotqa deıingi tekserý jumystary jalǵasyp jatyr.
