Qazaqstandyq bıznesmen Murathan Toqmádıdiń ustalǵany jaıly málimet taralyp jatyr, - dep habarlaıdy Tengrinews.kz.

Bul málimetti QR İshki ister mınıstrligi Jedel basqarma ortalyǵynyń ókilderi rastady, alaıla olar bıznesmenniń qalaı ustalǵanyn naqtylamady. Ortalyqtaǵy kezekshi qyzmetker Murathan Toqmádıdi QR Ulttyq qaýipsizdik komıtetiniń qyzmetkerleri ustaǵanyn habarlady.

Keıbir málimetterge qaraǵanda, Toqmádı Tarazdaǵy №1 yqshamaýdanda ustaldy.

Keshe, 8 naýryzda áleýmettik jelilerde Murathan Toqmádıdiń qashyp ketkeni jaıly málimet taralǵan edi. "08.03.2018 jyly keshki 19.30 ben 20.00 arasynda Tarazdaǵy oblystyq aýrýhanadan Murathan Toqmádı belgisiz baǵytta qashyp ketken, ol adam óltirdi degen aıyppen qamaýda bolǵan. Ol tizege deıin túsetin qara kúrte men djıns kıgen, aıaǵynda ne týflı, ne krosovka bolǵan", - delingen edi habarlamada. 

Osyǵan deıingi sot otyrysynda bıznesmen óz kinásin moıyndaǵan edi.

Eske sala keteıik, Murathan Toqmádı byltyr 12 maýsymda ustalǵan bolatyn. Almatyda arnaıy qyzmet "Depýtattyq korpýs" atty qylmystyq topty ustaý boıynsha operasıa ótkizgen edi. BAQ-ta shyqqan aqparat boıynsha, bul qylmystyq topty "QazSHynyQurylys" zaýytynyń ıesi Murathan Toqmádı basqarǵan. Sondaı-aq, prokýratýra málimetinshe, onyń úıin tintý kezinde qarý-jaraq pen oq-dári tabylǵan. Al taıaýda bıznesmenge qatysty úkim shyqqan. Murathan Toqmádı 3 jylǵa bas bostandyǵynan aıyrylǵan bolatyn.