Memlekettik QÝYRSHAQ teatry – respýblıka tarıhyndaǵy tuńǵysh qýyrshaq teatry. 1935 jyly ashylǵan teatr ordasy taıaq qýyrshaqtan bastap búgingi zaman aǵymyna saı kúrdeli marıonetkalarmen qatar sońǵy úlgidegi texnıkalyq-lazerli kórkemdeýlermen jabdyqtalǵan. Búginde ulttyń rýxanı qajettiligin ótep otyrǵan 83 jyldyq tarıxy bar óner ordasynyń alǵa qoıǵan baǵyty men baǵdary aıqyn. Ol – qazaqtyń qýyrshaq teatry ónerin órkendetý, keshegi men búgingi ómir arasyn ónerdiń bıik shyńy arqyly shynaıy kórsete bilý. Elimizde jáne shet elderde ótken respýblıkalyq, halyqaralyq teatr festıvalderinde top jaryp júrgen óner oshaǵynyń repertýarlyq saıasatynyń aýqymy keń.
Osy oraıda, teatr ujymy 21 naýryz - HALYQARALYQ QÝYRSHAQTAR TEATRY kúnine oraı alǵash ret aǵymdaǵy jyldyń 15-18 naýryz kúnderi aralyǵynda «QÝYRSHAQTAR SHAQYRADY – 2018» atty teatrishilik festıvalin ótkizedi. Festıváldiń basty maqsaty – teatr repertýaryndaǵy 2017-2018 jyldar aralyǵynda saxnaǵa jol tartqan qoıylymdardy saralaı otyryp, qýyrshaq óneriniń qoǵamǵa áser-yqpalyn arttyryp, dástúrli ulttyq qýyrshaqtarymyzdy jańǵyrta túsý arqyly jas urpaqty izgilik ıdeıalaryna tárbıeleý. Qýyrshaq teatry óneriniń damýy jolynda kórkemdik-estetıkalyq izdenis kókjıegin keńeıtý.
Festıvál aıasynda kásibı sarapshylar men kórermender nazaryna teatr repertýarynan 8 qoıylym usynylyp, spektákl sońynda taldaý jasalynady. Sarapshylar qataryn: Eshmuratova Quralaı Haleketqyzy – rejıser, Qazaqstannyń eńbek sińirgen artısi, Astana qalalyq qýyrshaq teatrynyń kórkemdik jetekshisi (Qazaqstan Respýblıkasy), Smırnov Vadım Alekseevıch – rejıser, Máskeý qýyrshaq teatrynyń kórkemdik jetekshisi (Reseı Federasıasy), Týrdýbekova Eleonora – teatr synshysy, Sh.Aıtmatov atyndaǵy Memlekettik ulttyq orys teatrynyń «Ádebıet» bóliminiń meńgerýshisi (Qyrǵyzstan Respýblıkasy) quraıdy.
Festıvál barysynda oryndar tómendegi nomınasıalar boıynsha beriledi:
– «Eń úzdik qoıylym»
- «Eń úzdik akter»
- «Eń úzdik aktrısa»
- «Eń úzdik qýyrshaq júrgizýshi»
- «Eń úzdik qýyrshaq daýysy»
- «Úzdik debút»
- «Úzdik epızod»
- «Úmit»
Sondaı-aq, teatr ákimshiliginiń sheshimimen qýyrshaq teatryn keńinen nasıhattaý jolynda qyzmet atqaryp júrgen BAQ ókilderiniń qyzmetkerleri marapattalady.
Festıváldiń negizgi baǵdarlamasymen qatar teatrtanýshy, ónertaný kandıdaty Erkin JÝASBEKTİŃ Memlekttik qýyrshaq tetrynyń 1935-1991 jyldar aralyǵyndaǵy tarıhynan syr shertetin «QAZAQ QÝYRSHAQ TEATRY» atty kitabynyń TUSAÝKESERİ ótedi. Sonymen qatar, festıvál aıasynda qoıylymdardan tys arnaıy dárister, sheberlik saǵattar ótip, teatrdyń altyn qorynda saqtalǵan qýyrshaqtardan kórme uıymdastyrylady.
Teatr ónerin súıer qaýymdy tańǵajaıyp qýyrshaqtar álemine birge sapar shegip, óner merekesin birge ótkizýge shaqyramyz!
Festıvál baǵdarlamasy:
15 naýryz
- saǵat 10:00 – «Qýyrshaqtar shaqyrady – 2018» festıvaliniń ashylý saltanaty, baspasóz konferensıasy
- saǵat 11:00 – «Toba» (avtory: E.Jýasbek, rejıseri: J.Jumanbaı)
- saǵat 14:00 – «Akva ertegi» (avtory: A.Sergeev, rejıseri: O.Aqjarqyn-Sársenbek)
- saǵat 17:30 – «Ana júregi» (avtory: E.Ionov, rejıseri: A.Zaısev)
16 naýryz
- saǵat 11:00 – «Qulynshaq pen bóltirik» (avtory: J.Omarov, rejıseri: R.Janymanov)
- saǵat 14:30 – «Dárýmen» (rejıseri: G.İlıasova)
- saǵat 17:30 – «Men dep oıla...» (avtory: M.Maqataev, rejıseri: M.Táýekelova)
17 naýryz
- saǵat 11:00 – «Saǵynysh shóbi» (avtory: R.Otarbaev, rejıseri: R.Janymanov)
- saǵat 12:30 – teatr artıseriniń ózindik shyǵarmashylyq jumysy
- saǵat 17:30 – «Ana-Jer ana» (avtory: Sh.Aıtmatov, rejıseri: D.Jumabaeva)
18 narýyz:
- saǵat 10:00 – «Qýyrshaqtar shaqyrady – 2018» festıvaliniń jabylý saltanaty
Qosymsha aqparat úshin baılanys telefony: +7 (727) 234-79-21
