Parlament Senatynda jerge baılanysty jańa zań jobasy qabyldandy, dep jazady Qamshy.kz aqparat agenttigi Tengrinews.kz saıtyna silteme jasap.

QR premer-mınıstrdiń orynbasary, QR Aýylsharýashylyǵy mınıstri Ómirzaq Shókeev Senatta jerge qatysty jańa zań jobasyn tanystyryp, qujattyń negizgi normalaryn aıtyp ótti. Onyń sózinshe, zań jobasy aýylsharýashylyq jerlerin qazaqstandyqtarǵa jalǵa berý normalaryn saqtaýǵa jáne jetildirýge, jalǵa beriletin aýylsharýashylyq jerleriniń barynsha kóp mólsherin belgileýge jáne shekaralas aýdandarda jerdi jalǵa berý talaptaryn kúsheıtýge baǵyttalǵan.

«Qazaqstandyqtarǵa usynylǵan aýylsharýashylyǵy alqaptarynyń lızıńtik mekemesin saqtaı otyryp, zań jobasynda aýylsharýashylyǵy maqsatyndaǵy jerlerdi konkýrstyq negizde berýdiń jeke tártibin belgileý qarastyrylǵan. Tenderlerdiń ashyqtyǵyn qamtamasyz etý maqsatynda komısıa quramyna qoǵamdyq keńes pen uıym ókilderin qosý kózdelýde. Jańa tártipte BAQ-tarda jáne ákimdikter men ASHM-nyń resmı saıtynda tender jaıynda jarıalanatyn aqparattardy baqylaý qarastyrylatyn bolady», - dep málimdedi Ómirzaq Shókeev.

Mınıstr usynylǵan aýylsharýashylyǵy jerlerin utymdy paıdalanýdy baqylaýdy kúsheıtý úshin turaqty monıtorıń júrgiziletinin atap ótti. Alǵashqy bes jylda jyl saıyn ótse, keıinnen úsh jylda bir ótetin bolady.