Egemen.kz saıtynda UBT onlaın test júıesi iske qosyldy. (https://egemen.kz/ubt/index ) Test suraqtaryn respýblıkalyq Kazbilim ortalyǵynyń mamandary ázirlep usynyp otyr.  

Jaqynda bas basylym basshysy Darhan Qydyráli men respýblıkalyq Kazbilim ortalyǵynyń jetekshisi Aıatjan Ahmetjanuly ekijaqty yntymaqtastyq týraly memorandýmǵa qol qoıǵan bolatyn. Ekijaqty kelisim negizinde ár aptanyń seısenbisinde oqyrman gazet ishindegi kitapsha túrinde jarıalanǵan Ulttyq biryńǵaı testileý suraqtarymen tanysyp, onyń durys jaýaptaryn belgilep, qansha bal jınaǵanyn bile alatyn. Endi egemen.kz saıtyndaǵy UBT testi arqyly kez kelgen oqýshy pándi jáne qajetti nusqany tańdaı otyryp onlaın test tapsyra alady. Suraqtyń durys jaýaptary men belgilengen nusqanyń burys nemese durystyǵy birden shyǵatyn bolady. 

Bir aıta keterligi, saıtta ázirge dúnıejúzi tarıhy, Qazaqstan tarıhy, matematıkalyq saýattylyq, oqý saýattylyǵy boıynsha test tapsyrý múmkindigi bar. Onlaın test suraqtary tolyqtyrylyp otyratyn bolady.