«Áziret Sultan» memlekettik tarıhı-mádenı qoryq-mýzeıiniń qyzmetkerleri QR Mádenıet jáne sport mınıstri Arystanbek Muhamedıulynyń bastamasymen ótip jatqan Street workout KZ boıynsha estafetany qabyldap,  qasıetti jumadaǵy jumys kúnin salaýatty ómir saltyn qalyptastyrýǵa arnap, bastamaǵa ún qosty.

Bastamanyń basty maqsaty – Qazaqstandaǵy buqaralyq sportty nasıhattaý. Street Workout - bul kóshedegi jappaı sporttyń qarqyndy damyp kele jatqan túri. Arnaıy tehnıkany talap etpeıdi: barlyǵy qarapaıym, ol úshin kóshedegi týrnıkter men arqandar jetkilikti.

Shara barysynda qoryq-mýzeı dırektory Nurbolat Qadyruly Ahmetjanov «Biz «Áziret Sultan» memlekettik tarıhı-mádenı qoryq-mýzeıiniń qyzmetkerleri Mádenıet jáne sport mınıstri Arystanbek Muhamedıulynyń Street workout KZ aksıasyn qoldaımyz. Qoryq-mýzeıdiń qyzmetkerleri buqaralyq sportpen árdaıym aınalysady, bul bizdiń ómirimizdiń dástúri. Búgingi aksıany biz ózimizdiń áriptesterimiz Taraz qalasyndaǵy «Ejelgi Taraz Eskertkishteri» qoryq-mýzeıine tabystaımyz. Jasasyn sport, jasa Qazaqstan!» - dep estafetany Taraz qalasyna joldady.

Eske sala ketsek, «Street Workout KZ» aksıasyn jýyrda ǵana QR Mádenıet jáne sport mınıstri Arystanbek Muhamedıuly bastap bergen bolatyn. Arystanbek Muhamedıuly jobany ózi bastap, «Street Workout KZ» baıqaýyn - Olımpıada chempıony Serik Sápıevke, tanymal ánshi Qaırat Nurtasqa, tanymal qazaqstandyq akter Ádil Ahmetovke joldaǵan edi.