Qazgıdromettiń habarlaýynsha, atmosferalyq fronttardyń ótýine baılanysty Qazaqstannyń basym bóliginde jaýyn-shashyn jaýady, shyǵystyń keı jerlerinde kúndiz qatty jaýady, tek ońtústikte, ońtústik-batysta jáne soltústik- batysta  jaýyn-shashynsyz aýa raıy kútiledi. Respýblıkanyń keı jerlerinde jeldiń kúsheıýi, tuman, naızaǵaı kútiledi, batysta burshaq bolýy múmkin.

               Shyǵys Qazaqstan, Pavlodar oblystarynyń keı jerlerinde naızaǵaı,  jel 15-20, ekpini 25 m/s kúsheıýi, Shyǵys Qazaqstan oblysynda tuman kútiledi. Aqmola, Almaty, Qaraǵandy, Soltústik Qazaqstan, Jambyl oblystarynyń keı jerlerinde tuman bolyp,  jeldiń 15-20 m/s kúsheıýi  kútiledi, Qaraǵandy oblysynda túnde jáne tańerteń naızaǵaı bolady. Kúndiz Batys  Qazaqstan oblysynyń keı jerlerinde naızaǵaı kútiledi, jeldiń kúshi 17-22 m/s jetedi, burshaq bolýy yqtımal. Kúndiz Atyraý oblysynda jel shańdy daýylmen 15-20 m/s kúsheıedi. Kúndiz Aqtóbe, Ońtústik Qazaqstan oblystarynyń keı jerlerinde jeldiń 15-20 m/s kúsheıýi kútiledi. Qostanaı, Mańǵystaý oblystarynda tuman kútiledi.