Astananyń Esil aýdandyq №2 sotynyń sýdıasy Qanat Tobaǵalıuly óz súıiktisinin zaqymdaǵan áıelge qatysty úkim shyǵardy, - dep habarlaıdy Tengrinews.kz-ke silteme berip Qamshy.kz aqparat agenttigi.

Súıiktisine aýyr zardap keltirdi dep aıyptalǵan astanalyq áıelge qatysty sot tyńdaýy jabyq tártipte ótti. Úkim oqylǵanda ǵana BAQ ókilderi qatysa aldy. "Sot 1981 jylǵy  Qaraǵandy oblysynyń týmasy N. azamatshasyn QR Qylmystyq kodeksiniń 106-babynyń 2-pýnkti boıynsha aıypty dep tanyp, bes jylǵa bas bostandyǵynan aıyrady, ol jazasyn orta deńgeıdegi qylmystyq-atqarý júıesi mekemesinde ótesin.

QR Qylmystyq kodeksiniń 74-babyna sáıkes, jaza merzimi úsh jylǵa qysqartylsyn", - dep oqydy úkimdi sýdıa Qanat Tobaǵalıuly.

Eske salaıyq, áleýmettik jelilerde  kúdikti áıeldiń sýreti bar qujat taralǵan bolatyn. Onda astanalyq áıeldiń óz súıiktisine aýyr zaqym keltirgeni aıtylady. İstiń ózge mán-jaıy tergeý múddesine baılanysty jarıa etilmegen.