Bul ekinshi Jaýyngerlik sherý. Birinshi Jaýyngerlik sherý Joǵarǵy Basqolbasshy N.Á.Nazarbaevtyń qatysýymen elimizde alǵash 2013 jyldyń 7-shi mamyrynda osy «Otar» 40-shy áskerı bazasynda ótken bolatyn.
Belgili dástúr boıynsha sherýdi basqarý Qazaqstan Respýblıkasy Qarýly Kúshteri Qurlyq áskerleriniń Bas qolbasshysy general-maıor Mýrat Bektanovqa tabystalǵan bolatyn.
Qazirgi ýaqytta Qazaqstan Respýblıkasy Qarýly Kúshteri áskerı tehnıkalary men bólimderi jáne qurylymdarynyń jeke quramy «Otar» 40-shy áskerı bazasynyń aýmaǵynda shoǵyrlandyrylǵan.
Otan qorǵaýshylar merekesi qarsańynda armıa quramalary ózderiniń taktıkalyq sheberlikterin jáne Qazaqstan Respýblıkasynyń sońǵy úlgidegi áskerı tehnıkalary men qarý-jaraqtaryn «Mátibulaq» synaq alańynda tájirıbeli is júzinde qoldanylýyn kórsetedi. Jaýyngerlik tehnıka jáne búgingi kúni sarbazdar sap túzep qana qoımaı, atys sheberlikterin osy daıyndyqta kórsetedi. Paradqa qatysatyn jaýyngerlerdiń barlyǵy psıhologıalyq jáne saptyq daıarlyq boıynsha iriktelgen eń úzdikter. Oǵan kandıdattar erekshe daıyndyqtan ótkizilgen áskerıler arasynan tańdalyp alyndy, al áskerı parad ótkiziletin orynda sherýge qatysatyn bólimderdi shoǵyrlandyrý júzege asyrylady. Daıyndyqtyń kezinde sherýge turý tártibi, sherýge qatysýshylardyń amandasý elementteri, týdy alyp shyǵý jáne jeke quramdardyń saltanatty júrip ótýi pysyqtalady. Jaýyngerlik paradqa qatysýshylardyń kúndelikti jaǵdaılaryn qamtamasyz etý úshin barlyq kerek-jaraqpen qamtylǵan dalalyq lageri uıymdastyrylǵan 2018 jylǵy áskerı sherýge 3000 áskerı qyzmetshiler, 300 áskerı tehnıkalar men quraldar jáne 30 birlikte ushý apparattary qatysady.
2018 jylǵy áskerı paradtyń burynǵy paradtan basty aıyrmashylyǵy munda barlaýshylar men arnaıy quramdardyń naqty soǵys qımylynda zańsyz áskerı toptardyń bazasyn basyp alý sáti kórsetiledi. Bul jaýyngerlik sherýdiń aıyrmashylyǵy barlaý bólimderiniń zamanaýı qarý-jaraqpen áskerı tehnıka, avıasıamen soǵys qımylyndaǵy taktıkalyq shynaıy kórinisterdi kórsetedi jáne birinshi ret terıtorıalyq (aýmaqtyq) qorǵaý brıgadalaryna áskerı týlar tapsyrylady. Jaýyngerlik sherýde kórermender Qazaqstan armıasynyń áskerı tehnıkalary kúshterin is-qımyl ústinde kóre alady.
Qarýly Kúshterdiń arnaıy tapsyrys pen arnaıy operasıa bólimderi óz áskerı sheberlikterin kórsetedi.
Áskerı jáne áskerı transporttyń avıasıa, jańarǵan S-295 áskerı transporttyq samoleti men SÝ-30 kóp baǵytty ıstrebıtelderi de joǵary ushý sheberlikterin kórsetedi. Budan basqa da áskerı sherýde MI-17 tik ushaǵy, amerıkalyq kóp baǵytty Húı tik ushaǵy, E-145 (Evrokopter), raketalyq soqqy beretin - MI-35 ushaqtary qatysady.
«Mátibulaq» polıgonynda motoatqyshtar, tankiler, T-72, BMP-2 (jaıaý ásker áskerı mashınalary) men ZSÝ -23-2 (23 mm qosaqtalǵan zenıttik qurylǵy), ZPÝ – 2 (14,5 mm zenıttik pýlemettik qurylǵymen) jasaqtalǵan barlaý bólimsheleriniń tájirıbelik jattyǵý jumystary júrgizildi.
Prıma – 9K59 nemese «Prıma» - 122,4mm kalıbrli dúrkin otty reaktıvti júıe.
MSTA – 152-mm dıvızıondyq gaýbısa.
RSZO 9K58 «Smerch» - 300 mm kalıbrli dúrkin otty reaktıvti júıe.
