Armenıa astanasy Erevanda jáne eldiń ózge qalalarynda opozısıa lıderi Nıkol Pashınánnyń jaqtaýshylary búgin sherýdi qaıta jandandyrdy. Bul týraly jergilikti Azatýtún basylymy habarlady.

1 mamyrda parlamentte Armenıa Respýblıkalyq partıasy Nıkol Pashınánnyń úmitkerligine qarsy daýys bergen. Nátıjesinde opozısıa lıderi premer-mınıstrlikke saılana almady.

Tańǵa jýyq jaqtaýshylar toby Zvartons áýejaıyna ótetin joldy japty. Buǵan qosa temir joldar, aýdandardy baılanystyratyn trassalar da jabyldy. Sherýge shyqqandardyń deni stýdentter.

Aıta keteıik, jalpy 53 daýys jınaý kerek bolǵan Pashınánǵa 45 adam daýys berdi. Konstıtýsıaǵa sáıkes, jeti kúnnen soń premer-mınıstrdi jańadan saılaý sharasy ótedi. Ekinshi týrda úmitkerlerdi jeke fraksıa emes, depýtattardyń jalpy sanynyń úshten bir bóligi tańdaıdy.