Sońǵy úsh táýlikte Shyǵys Qazaqstan oblysyndaǵy ózen-kólderdiń deńgeıi kúrt kóterildi. Aımaqtaǵy «Qazgıdromet» mamandary taýly jerlerdegi Buqturma, Kúrshim, Qaljyr, Úlbi jáne Ýba ózenderindegi sýdyń deńgeıi 24-ten 77 santımetrge deıin jetkenin habarlady.
Bul shekti deńgeı sanalmaǵanymen taýly óńirlerde sý tasqyny bolýy múmkin. Al ózenderdiń kúrt kóterilýine úsh týálik tolassyz jaýǵan jaýyn-shashyn áser etken. Oǵan taýly aýdandardaǵy erigen qar sýy qosylǵan. Degenmen «Qazgıdromet» mamandary ózenderdegi sýdyń deńgeıin ár eki saǵat saıyn ólshep, monıtorıń jasap otyr. Al aldaǵy 3-4 táýilikte kún raıy kúrt salqyndap, keıbir taýly aýdandarda qar aralas jańbyr jaýyp, aýa tempratýrasy -3 gradýsqa deıin tómendeýi múmkin.
