Bas sanıtarlyq dáriger Jandarbek Bekshın menıngokok ınfeksıasynyń aldyn alý úshin UBT-ǵa baılanysty keńes berdi.

«Bul – ózekti másele. 20-30 maýsym aralyǵynda 147 mekemede Ulttyq biryńǵaı testileý ótedi. Osyǵan oraı Bilim mınıstrligimen sharany ótkizý joldaryn aqyldasyp jatyrmyz. UBT tapsyratyndardyń sany kóp jáne testileý tórt saǵatqa deıin sozylady», - dedi Bekshın ortalyq komýnıkasıalar qyzmetiniń brıfıńi barysynda.

Bekshınniń aıtýynsha, UBT medısına qyzmetkerleriniń baqylaýymen ótetin bolady.

«UBT uıymdastyrýshylaryna aldyn ala daıyndyq jumystaryn túpkilikti júrgizýdi tapsyrdyq. Mekeme ishinde dezınfeksıalaý quraldaryn paıdalaný arqyly ylǵaldy tazalaý jumystaryn júrgizip, ishin jeldetý qajet. Tazalaý jumystaryn júrgizerde terezelerdiń ashyq turǵany jón», - dedi ol.

Bekshınniń sózinshe, bul prosester juqpaly dertti boldyrmaýdyń ońtaıly ádisi.