Ǵalamtordaǵy habarlandyrý saıttarynyń birinde Elbasynyń avtografy satylymǵa shyqty dep habarlaıdy Qamshy.kz aqparat agenttigi sputniknews.kz saıtyna silteme jasap.
Avtordyń habarlamasy boıynsha prezıdent 21 jyl buryn óziniń dúkenine kelgen eken. QR-nyń prezıdenti Nursultan Nazarbaevtyń jazbasha tilegi men qoltańbasyn ǵalamordaǵy habarlandyrý saıty arqyly satylymǵa shyqty.
Satýshy mátin men Elbasynyń qoltańbasyn 350 myń teńgege baǵalaǵan.
Qoltańbany satqysy kelgen azamat 1997 jyly Almaty qalasyndaǵy azyq-túlik dúkeninde jumys istegen. Sol kezde Elbasy dúkenge kirip, jazbasha tilek jazyp, astyna óz qoltańbasyn qaldyrypty.
«İs-saparlardyń birinde Elbasy bizdiń dúkenge kirip, álbomǵa arnaıy tilegin jazyp, qoltańbasyn qaldyrǵan bolatyn. Shyǵar aldynda suqbat berip, ketip qaldy. Negizinen men qoltańbany adamdardyń qyzyǵýshylyǵyn baıqaý úshin satylymǵa shyǵardym. Bul jaıt uzaq ýaqyt boıy kópshiliktiń esinde qalatyn shyǵar. Bir jaǵynan alyp qaraǵanda, kóptegen tanymal adamdardyń qoltańbasynan koleksıa jasaıtyndar da bar ǵoı», deıdi satýshy. Onyń aıtýy boıynsha, Elbasynyń kelýi aldyn ala josparlanǵan.
