Jaqynda Mınsk qalasynda Junior Eurovision halyqaralyq baıqaýy ótedi. Saıysta el tarıhynda tuńǵysh ret Qazaqstannyń atynan 12 jastaǵy Danelıa Týleshova óner kórsetedi, dep habarlaıdy Qamshy.kz aqparat agenttigi.
19 qarasha kúni sharanyń ashylý saltanatynda jerebe boıynsha Danelıa Týleshovanyń qandaı nómirde baǵyn synaıtyndyǵy belgili bolady. Jerlesimiz «Ózińe sen» ánin oryndaıdy. Ashylý saltanatyn «Habar» telearnasynda 23.00-de kóresizder.
Al 25 qarasha kúni saǵat 21.00-de «Habar» telearnasy tikeleı efırde 20 memlekettiń qatysýshylary dodaǵa túsetin baıqaýdy usynady.
Qatysýshylardyń barlyǵy óner kórsetken soń, qatysýshy memleketter daýys berýge kirisedi. Sondaı-aq daýys berýge 3 eresek jáne 2 baladan turatyn qazylar alqasy da qatysady.
Qazaqstandyqtar tek Danelıaǵa ǵana daýys bermeıdi, sonymen qatar ózderine unaǵan kez kelgen qatysýshyǵa daýys bere alady. Kórermenderdiń daýys berýi 23-25 qarasha aralyǵynda junioreurovisioin.tv saıtynda ótedi. Jeńimpaz qazylar alqasy men kórermender daýysynyń ortaq sheshimi boıynsha anyqtalady.
«Junior Eurovision Song Contest» halyqaralyq án baıqaýy 9 jastan bastap 14 jasqa deıingi oryndaýshylar qatysatyn «Evrovıdenıeniń» analogy. Qazaqstan baıqaýdyń 15 jyldyq tarıhynda alǵash ret baıqaýǵa qatysqaly otyr. Qazaqstannyń aýmaǵynda baıqaýdy «Habar» telearnasy translásıalaıtyn bolady. «Habar» agenttigi 2016 jylǵy 1 qańtardan bastap is-sharany uıymdastyratyn Eýropalyq habar taratý odaǵynyń (EBU) qaýymdasqan múshesi bolyp tabylady, bul múshelik atalǵan baıqaýǵa qatysý úshin elden úmitker usynýǵa múmkindik berdi.
