Búgin Qazaqstan Respýblıkasynyń Bas Prokýrory Qaırat Qojamjarovtyń Qyrǵyzstannyń Bas Prokýrory Otkýrbek Djamshıtovpen eki jaqty kezdesýi bolyp ótti dep jazady Qamshy.kz aqparat agenttigi. 

Áriptester vedomstvoaralyq yntymaqtastyqty nyǵaıtýdyń jáne sharttyq-quqyqtyq bazany keńeıtýdiń aspektilerin talqylady.

Transulttyq qylmysqa, ekstremızmge jáne terorızmge qarsy is-qımyl máselelerine qatysty irgeli qarym-qatynastar, sondaı-aq urlanǵan aktıvterdi keri qaıtarý boıynsha birlese kúsh-jiger jumsaý oń baǵaǵa ıe boldy.

«Ózara kelisimge negizdelgen kelisilgen áreketter Qylmystyq ister boıynsha quqyqtyq kómek kórsetý týraly Kıshınev konvensıasyn iske asyrý máselelerin jedel ári áýre-sarsańǵa salmaı sheshýge múmkindik beredi»,- dep atap kórsetti  Qaırat Qojamjarov.

Óz tarapynan Otkýrbek Djamshıtov myrza sottalǵan adamdardy berý salasynda qol jetken ózara is-qımyldy atap ótti.

Sońǵy eki jyl ishinde izdeý salynǵan 11 adam Qyrǵyzstannan Qazaqstanǵa ekstradısıalandy, qyrǵyzdar tarapynan 17 azamat berildi. Osy kezeń ishinde Qazaqstan Qyrǵyzstanǵa olardyń sottalǵan 19 azamatyn, al bizdiń elimizge 3 qazaqstandyq berildi.

Terorıstik uıymdarmen jáne olardy qarjylandyrýmen kúres salasyndaǵy yntymaqtastyq aspektileri jeke talqylandy.

Qazaqstannyń Bas Prokýrory sheteldik áriptesin eki jaqty qarym-qatynasty odan ári nyǵaıtýǵa ázir ekendigin aıtty.

Esterińizge sala keteıik, Astana qalasynda ótken «Aımaqaralyq yntymaqtastyqty nyǵaıtý jáne uıymdasqan qylmysqa qarsy kúreste kúsh-jigerdi úılestirý» atty halyqaralyq konferensıada shet elderdiń qadaǵalaý vedomstvolary ókilderiniń qatysýy aıasynda Qazaqstannyń Bas Prokýrory Q. Qojamjarov birqatar ekijaqty kezdesýler ótkizdi.

QR Bas prokýratýrasynyń baspasóz qyzmeti