Aýǵanstanda 2019 jyly sáýirde ótýi tıis prezıdent saılaýy maýsym aıyna shegerildi Qamshy.kz aqparat agenttigi Azattyqtyń deregin negizge alyp habarlaıdy. Saılaýdy keıinge shegerýge kandıdattardyń kesh tirkelýi jáne daýys berýdi uıymdastyrý máseleleri sebep bolǵan.
Prezıdenttikke kandıdattardy tirkeý 22 jeltoqsanda ashylǵan. 2 qańtarda aıaqtalýy tıis. Saılaý komısıasynyń tóraǵasy Zabı Sadattyń aıtýynsha, tirkelip jatqan kandıdattardyń sany az.
Saılaý komısıasy 2018 jyly qazanda ótken parlament saılaýynyń daýystaryn áli sanap bitken joq. Saılaý kezinde "Talıban" shabýyly jıilegen. Qazir Aýǵanstan bıligi "Talıban" qozǵalysymen kelisimge kelýge tyrysyp jatyr.
Pikir qaldyrý