Almaty qalasyndaǵy úsh adamnyń ólimin jalmaǵan jantúrshigerlik jol apatyna kináli júrgizýshiniń kim ekeni belgili boldy dep jazady Qamshy.kz aqparat agenttigi. Bul týraly jýrnalıs Denıs Krıvosheev óziniń feısbýk paraqshasyna jazdy.
♦Sholpan Elgezekova qaıtys bolǵan jol apatynyń vıdeosy paıda boldy
"Kar Ilás Ismarovıch 1985 jyly 25 qarashada dúnıege kelgen. Bul aqparatty Almaty qalasynyń polısıa basqarmasynyń baspasóz habarlamasy da janama túrde rastap otyr. Ilás Ismarovıch Abaı Seıfýllın kósheleriniń qıylysynda bolǵan jol apatyna sebepker bolǵan. Saraptama nátıjesiniń nátıjesine súıensek, avtokólik ıesi mas kúıinde kólik júrgizgen. Qazir kúdikti azamat Almaty polısıa bóliminiń ýaqytsha ustaý ızolátorynda qamaýda otyr", dep jazady Denıs Krıvosheev.
◊Marqum aktrısanyń ómirinen estelik: enesiniń jaqsylyǵyn kesh túsingen...
Eske salsaq, jol apaty 29 jeltoqsanda tańǵa jýyq Abaı jáne Seıfýllın kósheleriniń qıylysynda oryn aldy. Polısıanyń habarlaýynsha, soqqynyń saldarynan jeńil kólik jol shetine ushyp ketedi. Mitsubishi Galant júrgizýshisi men aktrısa Sholpan Elgezekova oqıǵa ornynda qaıtys boldy. Atalǵan iske baılanysty QR QK-niń 345-babyna sáıkes tergeý aldy is qozǵaldy.
